SALMOS 5 - Qullan Arunaka DC

SALMO 5Diosamp sapür qalltasa 1 Davidan q'uchupa, aka q'uchux pinkillunakampi q'uchuntañawa.

1-2 1-2 (2-3) Tatay, Reyixay, Diosaxay,

arsutanakaxarux ist'akimaya,

ayqutanakaxarus jaysakimaya,

arnaqasitanakaxarux iyawsakimaya,

jumarukiw mayisitax luqtansma.

3 3 (4) Qhantatiw mayisitaxar ist'taxa,

willjtaw llakix yatiyasinsma,

nayasti ist'añam suyaskta.

4 4 (5) Jumax janiw ñanqhampi kusisir Diosäktati,

ñanqha lurir jaqinakax janiw jak'aman jakapkaspati,

5 5 (6) jach'a jach'a tukur jaqinakasa,

janirakiw nayraqataman utjapkaspati.

Jumax ñanqha lurir jaqinakarux uñistawa,

6 6 (7) k'arinakarux t'unjtawa;

ch'uxña chuyman jaqinakampiru,

jaqi jiwayirinakampirux uñisnuktawa.

7 7 (8) Ukampis nayax jach'a munasiñam laykuw

qullan utamarux mantä;

qullan utam manqhansti,

alt'at chuymampiw yupaychäma.

8 8 (9) Tatay,

nayar uñisirinakan utjatap laykux

aski kankañamampiy irpita,

suma thakhimanjamay irpita.

9 9 (10) Jupanakax k'arikamakïpxiwa,

nayar aynacht'ayañak munasipki.

Janipuniw kunsa chiqap sapkiti,

jiwañatak parlt'asipki.

10 10 (11) ¡Diosaxay!

¡Jupanakarux mutuyamaya,

amtatanakap aynacht'ayam!

Jumar qallkatapxatap laykusti,

juchanak luratapat jaqunukum.

11 11 (12) Jumampi arxatayasiñ thaqhirinakax kusisipxpanaya;

jupanakar imaskatam laykux,

kusisiñat wiñayapun q'uchupxpan.

Jumar munasirinakax jumïpan kusisipxi,

12 12 (13) Tatay, jumaw chiqa jaqirux askinak churtaxa,

khuyapayasiñamax jark'aqasiñar uñtataw muyuntaski.