1Erman, mi'n tz'ok kyq'o'ne nimku xnaq'tzal kyxole, porke b'a'n qu'n, qa xnaq'tzal qo', mas qo okel tuj xjel kywitz txqantl.
2Porke qkyaqil nimku maj in qo tzpet ti'j; qatzun at jun minti' in tzpet ti'j tyol, atzun xjalju tz'aqlxix ex in b'ant tjak'unte tkyaqil t-ximlal.
3Nno'kx qq'o'n pren tuj kytzi' chej tu'n qnimanjtz kyu'n, kyja'tzun tten in ajtz qxqutz'in tkyaqil kyximlal.
4Ax ikx che ximane kyi'j qe barc; maske nimaq qe ex in che b'et tu'n kyq'iq' kyuwxix, pero in che ajtz xqutz'in tu'n jun xqutz'b'il tal ch'in noq ja'x jatum tajb'il ju yukul te barc tu'n t-xi'.
5Ikxtzun tten qtzi'; maske tal ch'in, pero puro jawni ex in jaw tniman tib'. Ch'in q'aq' in b'aj tz'e'y ti'j jun witz tu'n.
6Ikxtzun tten qtzi' ik tza'n q'aq', ex nojni tu'n tkyaqil mya b'a'n; tu'n qtzi' in naj tkyaqil qximlal, ex tu'n qtzi' mas in jaw k'ant ju mya b'a'n tuj qchwinqlal, ex atzun in tzaj tq'aq'al qtzi' tuj infierni.
7Porke kykyaqil txkaj jil ex qe chyu'j ex qe lob'aj ex qe jil tuj mar in kub' kyi'j ex in che ok mans kyu'n xjal;
8atzunju qtzi' mlayx tz'ok mans tu'n jun xjal, porke mya b'a'n ex mlay b'ant tu'n tmaqet ttzi xjal, ex at tb'iyb'il.
9Tu'n qtzi' in xi qq'o'n chjonte te Qman Dios, ex tu'n qtzi' in xi qqanin mya b'a'n kyib'aj xjal o che b'inchanjtz ik tza'n tilb'ilal Dios.
10Tujx qtzi' nne'tz ju yol te aq'b'il chjonte te Dios ex tu'nx qtzi' in tzaj qqanin mya b'a'n tib'aj jun xjal. Erman, mya tuj tumel jlu.
11Baqa at jun twi a' junx in jatz a' b'a'n tk'anjtz tuj ex ju a' k'a.
12Aqeye wermaniye, ¿jakupe b'ant tu'n tel twitz olivo ti'j jun tze' higo, ex jakupe tz'el twitz higo ti'j jun wi' uva? Kyja'tzun tten, mlay jatz ju a' b'a'n tk'anjtz ex ju a' k'a tuj junx twi a'.
Aju nab'l axix tok13Qa at jun kyxole at tnab'l ex nne'l tnik' ti'j, b'et-x tuj tumel tu'n tyek'unte taq'unb'en b'a'n, tu'n tten mans ex at tnab'l.
14Ex qa at tlo'ch kyk'u'je ti'j juntl ex qa in b'aj kyik'len kyib'e, mi'n jaw kyniman kyib'e, ex mi'n che nik'ane yol ex mi'n kub' kyewane ju yol ax tok.
15Aju nab'l lu myatzun in tzaj tuk'il Dios, atzun in tzaj kyuk'il xjal ex tuk'il tajaw il; aju nab'l lu te twitz tx'otx' te.
16Porke qa ma tzaj tlo'ch kyk'u'je ti'j juntl ex qa in b'aj kyik'len kyib'e, tu'ntzunju mya tuj tumel ate'ye, ex in kyb'incha'ne tkyaqil mya b'a'n.
17Qatzun a tnab'l xjal at aju in tzaj tq'o'n Dios, tnejelxix saq ta' tanmi xjal, ex minti' in q'ojin, ex mejor tmod, ex kuyin tu'n tu'n t-xi tb'i'n; at tq'aq'b'il tk'u'j ex b'a'n tb'inchb'en, minti' in jawje' tk'u'j, ex mya xmletz'.
18Aju xjal nno'k tilil tu'n tu'n tb'ant kyten xjal kyxolx ex tu'n kytzalaj kyxolx, in tq'o'n amb'il tu'n kyanq'in xjal tuj tumelxix.
Who We AreWhat We EelieveWhat We Do
2025 by iamachristian.org,Inc All rights reserved.
