1Nman Dios, ti'ja nno'k qklon qib'e tuj tkyaqil ab'q'i ojtxi ax ikx ja'lo.
2Tej na'nxtoq tb'inchet enter twitz tx'otx', atxix ojtxi ex tuj tkyaqil tab'q'iyil te jumajx, o'kx aya Dios.
3Kykyaqil xjal in che ok juntl maj te tquqil tx'otx' tu'na ok in tma'na kyja': Aqeye xjal, che oke te tquqil tx'otx'.
4Ax tok jun mil ab'q'i tuj twitza mer ik tza'n jun q'ij te ew aju o tz'ex, ex mer ik tza'n noq kab' ox or te qonik'an.
5In che naj xjal tu'na ik tza'n in che'x iqan tu'n a', ex ik kyten ik tza'n jun witzik', ex qa ik tza'n cha'x k'ul in tzaj poq'l te prim,
6te prim in tzaj t-xul ex in ch'iy, ex te qale in tzqij ex in naj.
7Ax tok in qo naje tu'n tq'oja, ex b'i'x in qo sek'paje tu'n.
8Qe qile ex qe qb'inchb'ene mya b'a'n in b'ant tuj ewaj, q'ancha'lxix qe twitza.
9Ax tok aju qq'ije kyja' tb'aj tu'n tlaj tq'oja, ex aju qab'q'iyile nne'x ik tza'n in tzaj xjiq'b'an qk'u'je.
10Aju qab'q'iyile tu'n qtene tzalu twitz tx'otx' noq 70 ab'q'i, ex qatzun at jun nimxix in ten, in japun twi' 80. Maske ma qo tene nim q'ij twitz tx'otx', pero noq b'is ex siktle'n nnik'x qu'ne. Jurat naj in che ex qe ab'q'i, ax ikx qeye jurat in qo ik'e twitz tx'otx'.
11Mi a'l jun jaku tz'el tnik' ti'j ta'w tq'oja, ex mi jun jaku tz'el tnik' ti'j nik'pun ttx'u'jila at.
12Qo t-xnaq'tzantza tu'n tel qnik'e ti'j ax tok noq ch'in tuj qq'ije, tu'ntzun tten qnab'le.
13Nman Dios, tajtza juntl maj quk'ile, ex kuchiwt tzul naja. Q'aq'antz tk'u'ja qi'je aqo'ye tmajena.
14Qo tnojsama tu'n tk'ujlalila ok tkub' q'ij, ex qo b'itzale tu'n tzalajb'il tuj tkyaqil q'ij te qanq'ib'le.
15Q'ontza nim ab'q'i te tzalajb'il te t-xel ju k'ixb'isab'l qeye tu'na ex te t-xel ju b'is.
16Yek'untz tb'inchb'ena ma' t-xilen qeye aqo'ye tmajena, ex yek'untz tipumala tb'anilxix kye qe qk'wa'le.
17Qman Dios, b'inchama xtalb'il qeye, kuchiwt b'a'n tz'ela qaq'unb'ene tu'na, ax tok b'a'nwt tz'ela qaq'unb'ene tu'na.
Who We AreWhat We EelieveWhat We Do
2025 by iamachristian.org,Inc All rights reserved.
