1Ch'ix tjaw b'aj nxewe; ch'ix tpon b'ajsb'il te nchwinqlale; in ayon muqb'il wi'je tu'n npone tuj.
2Ntxlaje o'kx qe xjal xmayil ate'; in che ok tzoqpaj wi'je tuk'il kytx'u'jil.
3Pero aya Nman yolina wi'je; ¿alkyetzun juntl qa mya aya jaku b'inchante?
4Aya o tz'el tzpet-sante kynab'l, mi'n taq'a amb'il tu'n tkub' wi'je kyu'n.
5Qe xjal noq tu'n pwaq in xi kyk'ayin qe kyamiw, tzul yajb'il kyi'j kyk'wa'l tu'n jlu.
6Ma tb'inchaya tu'n kyxmayin xjal wi'je, ex tu'n tok kytzub'an tuj nwitze.
7Nib'an tok muj kyi'j tb'aq' nwitze tu'n ta'w; jumajx ma tz'ok wi'je.
8Qe xjal tz'aqlxix in che jaw lab'in wi'je ok wok ke'yine kyu'n; in tzaj kyq'oj ex in chin ok kyq'o'n te jun aj il.
9In kyma'n qa tz'aqlxix qe ex minti' kyb'inchb'en mya b'a'n.
10Pero kytzaje kykyaqile ex mlay knet jun xjal wu'ne kyxole atwit tnab'l.
11Ch'ix tjapun b'aj tuj nq'ije, aju in kub' nximane ex aju wajb'ile tu'n tb'ant minti' in japun.
12Atzun kye nno'k kyq'o'n qonik'an ik tza'n q'ijl; maske at qlolj ex in kyma'n ch'ix tul spik'un.
13Aju weye in chin ayon ti'j, o'kx tu'n npone tuj kynajb'il kyimni ex tu'n nkub' pale'ye tuj qxopin.
14Aju muqb'il mer ik tza'n nmane k'okel, atzun qe ẍuq' mer ik tza'n ntxu'ye ex wanb'e.
15¿Jatum b'a'n tok qe' nk'u'je? ¿Jatum b'a'n tknet q'uqb'ab'l nk'u'je?
16¿Okpe kb'elex q'uqb'ab'l nk'u'je junx wuk'ile tuj kynajb'il kyimni, tu'ntzun wojlane junx tuk'il tuj quq?
Who We AreWhat We EelieveWhat We Do
2025 by iamachristian.org,Inc All rights reserved.
