1Ate Qman Dios ma' t-xilen, b'a'n tu'n tjaw nimset tb'i tuj tnam etzan tu'n ex twi witz ma tz'el tpa'n tu'n tajb'en te.
2Tb'anilxix ke'yin twa'l aju witz tkub' tuj tb'anq'ab' tnam Sión, atzun tzalajb'il kye xjal tuj tkyaqil twitz tx'otx'. Atzunju tnam teju nintz Rey.
3Ma tzaj tyek'un tib' Dios kyuj qe tb'anil ja tuj Jerusalén; ate Dios jun kolb'il axix tok kye xjal.
4Ok kychmon kyib' qe rey ex junx e pon tu'n kyok tzoqpaj ti'j;
5ex tej kyke'yinte aju tnam e jaw lab'in ti'j, tzaj b'aj kyk'u'j ex e je'l oq.
6Tzajxix nim t-xob'il kyi'j; b'aj kyxqutz'in kyi'j tu'n ta'w, ik tza'n jun xu'j ok nnu'l itz'j tal;
7ik e b'aj naj tu'na ik tza'n in che b'aj naj kybarc aj Tarsis tu'n kyq'iq' in tzaj tuj tjawitz q'ij.
8Ik tza'nxju o tzaj q'ma'n qe, ma qil kyu'n qe tb'aq' qwitz, aju tnam Jerusalén, aju tnam etzan tu'n Qman Dios aju Tajaw Tkyaqil, kkyuwsetel te jumajx tu'n Dios.
9Qman Dios, tuj tmijil tjaya in qo kub' tene ximal ti'j tk'ujlalila ma'xix.
10Qman Dios, tuj tkyaqil twitz tx'otx' in jaw nimsa'na ik tza'nx toklen tb'iya. Tu'n tipumala in tb'incha'na aju tz'aqlxix.
11E tjaw tzalaj ju witz Sión. E kyjaw t'ikpaj tu'n tzalajb'il qe tnam te Judá, tu'nju tb'inchb'ena tz'aqlxix.
12Che b'ete ti'jele tnam Sión ex kyajla'n b'aje qe ja ma' kywa'l ate' tuj;
13kyq'onke kwent ti'j muro tok ti'jele ex kyi'j qe tb'anil ja, tu'ntzun t-xi kyma'ne kye qe xjal che ul itz'j te tib'ajxi:
14Iktzun tten Qman Dios tuj tkyaqil tab'q'iyil te jumajx. Ate ẍaqlul qe te jumajx.
Who We AreWhat We EelieveWhat We Do
2025 by iamachristian.org,Inc All rights reserved.