1Che b'itzane tuk'il tzalajb'il te Dios aju q'ol qipumal. Kynimsa'n jawe aju Tdios Jacob, che sch'ine tuk'il tzalajb'il.
2Che b'itzane tuk'il tq'ajq'ajel twi' tal tampor, tuk'ix chnab' ex kitar.
3Kyq'ajtzan oke chun ok ttzaj yek'un juntl ak'aj xjaw, ax ikx ok ttijin xjaw, atzun q'ij lu tu'n tkub' qik'sa'n aju nintz ninq'ij.
4Ex atzun mandamyent lu tzaj tq'o'n Tdios Jacob kye aj Israel;
5atzun jun yol kyaj b'ant ti'j tu'n Dios kyuk'il tiyjil José tej tpon q'ojlel kyi'j aj Egipto. O nb'iye jun tq'ajq'ajel wib'aj aju minti' ojtzqi'n wu'ne, chi kyja':
6Ma tz'el wi'ne iqtz twi t-semila, ma kleta wu'ne tuj aq'untl kyuwxix.
7Tuj yajb'il teya in txkete tu'na, ex kleta wu'ne; tzaj ntzaq'we'na max tuj muj in tininin wen; ok nq'o'ne tuj malb'il kytzi' qe a' tuj Meriba.
8Aqeye xjal etzan qeye wu'ne, kyb'intze aju yol kxel nma'ne kyeye; b'a'nwt nxi kynimane, aqeye aj Israel.
9Mi'n tzaj kyi'ne jun kydiose tuj junxitl tnam; mi'n che k'ulune kywitz kydios qe xjal aqeju minti' ojtzqi'n kyu'ne.
10Aqine Kymane aju Kydiose, aju etz q'inte kyeye tuj Egipto; kyqanintze kywaye weye ex ok che nojele wu'ne.
11Atzun qe xjal etzan wu'ne minti' inx b'i'ne kyu'n; minti' inx nimane kyu'n aj Israel.
12Kyja'tzun e kyaj nq'o'ne kukx tu'n kyten mib'an che b'in, ex e anq'in ik tza'nx kyex kyajb'il.
13Noqwit inx b'i'ne kyu'n aj Israel aqeju etzan wu'ne, noqwit e b'et kyuj qe nb'eye,
14juratwitlo kub' kyi'j aj q'oj kyi'j wu'ne ex juratwitlo kub' nq'o'ne kycastiw.
15Qeju in che ik'un ti'j Qman, juratwitlo kub' kyi'j tu'n ex juratwitlo kub' kycastiw te jumajx.
16Mawtlo tz'ok tk'a'chan Dios qe xjal etzan tu'n tu'n tb'anil triw, ex mawtlo tz'el txqetle'n kyi'j tu'n ta'l kab' te tjaq' k'ul.
Who We AreWhat We EelieveWhat We Do
2025 by iamachristian.org,Inc All rights reserved.
