1Kyb'intze jlu, aqeye xu'j aj Samaria ma' kyoklene ex tb'anilxix che ke'yine, aqeye in che ok tene yajlal kye qe meb'a ex in che ok tene yajlal kye qeju minti' at kye ex in xi kyma'ne te kychmile: Kyi'ntze vin tu'n qk'an ti'j, che chiye.
2Ma tzaj ttziyan Qman Dios Xjan jun yol axix tok lu: Tzul tq'ijlalil tu'n kyxi q'i'ne pres ex che tzyetele tu'n ganch; kykyaqile che tzyetele mer ik tza'n in che tzyet kyiẍ tu'n ganch.
3Kykyaqile che elex q'i'ne jatum otoq jaqet muro tok ti'jele tnam, txolin kytene che elex q'i'ne ex che xel q'i'ne tu'n kypone tumlal witz Hermón. A Qman ma q'mante jlu.
Jun yol te xmayb'il kye xjal ti'j ju in b'ant kyu'n4Kyxi'ye tuj Betel ex che b'inchane il ex kyxi'ye tuj Gilgal ex che b'inchane txqantl mya b'a'n. Kyi'nxe chojb'il te Dios kykyaqil prim ex kyi'nxe tlaji'n tuj tkyaqil toxin q'ij.
5Kyq'onxe qe pan at t-samel kyuj te kyoyaje te aq'b'il chjonte ex kyq'manxe tqanil tuj tkyaqil lugar ti'j kyoyaje in xi kyq'o'ne tu'n kyexe tb'is kyk'u'je, ex ti'jtzun jlu mas in che tzalaje, chi Qman Dios.
Maske kub' kycastiw aj Israel, pero minti'x el kynik' ti'j6Wu'ne tzaj we'yaj tuj tkyaqil kytanmiye ex wu'nxe minti' o kanun kywaye tuj tkyaqil kylugare, ex minti'x e ajtz meltz'aje wuk'ile, chi Qman.
7Ax ikx minti' tzaj jb'al wu'ne tej atxtoq ox xjaw tu'n tjaw chmet twitz kyawale; tzaj jb'al wu'ne tuj jun tnam, atzun tuj juntl minti' tzaj; tzaj jb'al tuj jun kojb'il, atzun tuj juntl kojb'il tkyaqil o tzqij tu'n tlaj minti' tzaj jb'al;
8e b'etje'ye jyol a' kyuj qe tnam, ex aju ch'in knet kyu'ne minti' kanun tu'n tq'ajen txqetle'n kyi'je, atzun kyeye minti' e ajtz meltz'aje wuk'ile, chi Qman.
9Tzaj nsama'ne kyq'iq' kyi'je nim ta'w kyaq iqan tu'n, ex tzaj nsama'ne soj ti'j kyawale; wu'ne e tzqij kyawale kyuk'ix tqan ky-uvaye, ex qe tqan higo awa'n kyu'ne e naj kyu'n ẍplon, kyuk'ix qe tqan olivo. O nb'inchaye tkyaqil jlu, pero minti'x e ajtz meltz'aje wuk'ile, chi Qman.
10Tzaj nsama'ne jun k'ixb'isab'l kyib'aje ik tza'n xi nsama'ne kyib'aj xjal aj Egipto; o che kyim qe kyku'xune wu'ne tuj q'oj ex xi nq'o'ne amb'il kye aj q'oj kyi'je tu'n kyok te kyajwil kycheje; o che saqone kyi'j kyxewil kyimni tuj lugar jatum e kub' ten qe soldad, ex mi tu'n ikju, minti' e ajtz meltz'aje wuk'ile, chi Qman.
11E naj nimku kyeye wu'ne ik tza'n e b'aj naj aj Sodoma ex aj Gomorra, atzun qe txqantl ik e ok ik tza'n jun ttx'an si' nne'tz tuj q'aq' otoq b'aj tz'e'y ti'j. Maske ikju pero minti'x e ajtz meltz'aje wuk'ile, chi Qman.
12Kyja'tzun aqeye aj Israel ikxtzun che telb'iye wu'ne, ex tu'nju kb'antel wu'ne kyi'je ikju, kyja'tzun kyb'incham kytene tu'n kyk'lunte kyib'e wuk'ile, tu'n kyoke tuj xjel wu'ne, chi Dios.
13Tu'n Qman e b'ant qe witz ex ax o b'inchante kyq'iq', in tzaj tchik'b'a'n kye xjal alkye t-ximb'etz ex in ch'expaj spik'un tu'n tu'n tok te qlolj; in b'aj tb'etin kykyaqil lugar tiwitz tx'otx': Qman aju Tajaw Tkyaqil, atzun tb'iju.
Who We AreWhat We EelieveWhat We Do
2025 by iamachristian.org,Inc All rights reserved.
