Job 5 - Mam Huehuetenango New Ortography

1Tjaw sch'ina Job. ¿Atpelo jun jaku tzaj onil teya? ¿Alkye jun anjel kxel tqanina onb'il te?

2Ploj nne'l tuj twitz xjal aju yajb'il in tzaj ti'j, ex qa ma tz'ok ten q'ojlel tu'n tlaj jlu, tu'nx in tzaj ti'n kamik ti'j, tu'nju minti' tnab'l.

3O wile jun xjal minti' tnab'l, jurat naj chmet nimku te, ex jurat naj o kub' xitj tja.

4Mi a'l jun onil kye qe tk'wa'l; ok kypon q'i'n twitz jwes minti' in xi b'incha'n kyi'j tu'n, ex mi a'l jun kolol kyi'j.

5Aju twitz tawal xjal minti' tnab'l, in xi kywa'n qe xjal at we'yaj kyi'j maske tuj ch'i'x in jaw kychmo'n; ex qe xjal at txqetle'n kyi'j in pon kyk'u'j ti'j tq'inumab'l.

6Aju mya b'a'n in tzaj qi'j, mya ax in jaw jlet twitz tx'otx', aju b'is mya ax in tzaj poq'l tuj tx'otx'.

7Ik tza'n qe k'ech in che etz tuj q'aq', ikxtzun te xjal il ti'j tu'n tik'x k'ixk'oj tu'n.

8Noqwit aqine at b'is wi'je ik tza'n teya, mawtlo chinxe qanil onb'il te Dios ex mawtlo txi nq'on wib'e te Dios tu'n t-xi tb'incha'n wi'je.

9Nimxix tb'inchb'en Dios in b'ant ma'xix t-xilen, ex mi a'l jun jaku tz'el tnik' ti'j.

10A Dios in tzaj q'onte jb'al twitz tx'otx', ex tu'n in b'aj ta'lin qe kojb'il.

11Qe xjal ch'in kyoklen in che jaw nimsa'n tu'n Dios, ex qeju in che b'isun in che'x ti'n tuj jun lugar segur jatum tu'n kyklonte kyib'.

12Aju xjal elni twitz tu'n t-sb'un, in b'aj ttzaksin Dios t-ximb'etz tu'ntzun mi tb'ant aju otoq kub' t-ximan.

13In che tzyet qe aj nab'l tu'n Dios maske jawni kywitz, ex minti' in xi tq'o'n amb'il kye tu'n tb'ant aju mya b'a'n otoq kub' kyximan.

14Q'ijl in che takpaje', ex in che b'et tuj qxopin mer ik tza'n qonik'an.

15In che klet tu'n Dios qe meb'a xjal ex qeju in che yajlanjtz kyu'n qe b'inchal mya b'a'n.

16Qe xjal minti' kyipun, o'kx ti'j Dios in qe' kyk'u'j tu'n kyklet. In maqet kytzi' qe xjal mya b'a'n tu'n Dios.

17At tzalajb'il te xjal nno'k mayo'n tu'n Dios ti'j ju mya b'a'n in tb'incha'n. Mi'n tz'el tik'una ok tok mayo'na tu'n Dios, aju at tipumal tu'n tb'ant tkyaqil tu'n.

18Qa ma tz'ok jun ẍil ti'ja tu'n, ax k'okel potzin ti'j; qa ma tz'ok k'ixb'isa'na tu'n, ax kq'anil teya.

19A klolte teya tkyaqil maj ok ttzaj xob'ajil ti'ja, ex mlay taq' amb'il tu'n ttzaj mya b'a'n ti'ja.

20Tuj tq'ijlalil we'yaj kletela tu'n tu'n mi tkyima, ex ok ttzaj q'oj, kletela tu'n tu'n mi tkub'a tu'n spad.

21Kletela tu'n ok kysi'min xjal yol ti'ja, ex mlay xob'a ok ttzaj xitb'il ti'ja.

22Qa ma tzaj we'yaj ex qa ma tzaj xitb'il, mlay b'aj tk'u'ja ex mlay xob'a kywitz qe txkup te tjaq' k'ul.

23Ok taq'nana mlay tz'ok we'ya kyi'j qe ab'j tuj tkojb'ila, ex ktel tmojb'ab'l tib'a kyuk'il qe txkup.

24Txub'txaj ktela tuj tjaya, ex cabal ate' qe taluna ok kyb'aj tajla'na.

25Nimku tiyjila che ul itz'j, ik tza'n cha'x k'ul tuj kojb'il.

26Atxtoq tipuna ok tkyima, ik tza'n jun che'l triw otoq pon tq'ij.

27Ma qile ex ma tz'el qnik'e ti'j, ik ttenju. B'inxa ex tz'ajb'enxwit teya, chi Elifaz, b'aj tma'n.

Blog
About Us
Message
Site Map

Who We AreWhat We EelieveWhat We Do

Terms of UsePrivacy Notice

2025 by iamachristian.org,Inc All rights reserved.

Home
Gospel
Question
Blog
Help