1Aya Pastor kye aj Israel qo tb'intza, aya ẍaqlul kye tiyjil José ik tza'n txqan ẍne'l, ex tkub'sa'n tq'uqb'ila kyib'aj qe querubín, ke'yintza qe tiyjil Efraín tu'n tzalajb'il,
2ax ikx qe tiyjil Benjamín ex qe tiyjil Manasés. We'ktza ex qo tkloma tu'n tipumala.
3Nman Dios, q'i'n ajtza ti'j qanmiye tu'n qajb'ene juntl maj teya. Qo tke'yintza tu'n tzalajb'il tu'ntzun qklete.
4Nman Dios aya Tajaw Tkyaqil, ¿jtoj txi tkolina tu'n tq'ojina qi'je? ¿Jtoj tzaj tb'i'na qna'j Diose, aqo'ye etzan tu'na?
5Noq oq'el ma tzaj tq'o'na mer ik tza'n qwaye; ex mer ik tza'n qk'a'ye ma tzaj tq'o'na nim oq'el.
6Ma txi tq'o'na amb'il tu'n qok xmayine kyu'n qe nasyon qvesin qib'e kyuk'il, ex in che tze'n qe aj q'oj qi'je.
7Nman Dios Tajaw Tkyaqil, q'i'n ajtza ti'j qanmiye tu'n qajb'ene juntl maj teya, qo tke'yintza tuk'il tzalajb'il tu'ntzun qklete.
8Tuj tx'otx' Egipto e je'tz ti'na qe xjal etzan tu'na, mer ik tza'n jun wi' tqan uva, ex ma che ik' tlajo'na qe txqantl nasyon tuj kytx'otx' ex ma ku'x tawa'na tqan uva lu.
9Ma b'aj taq'nana tx'otx', ex aju tqan uva ma txi' tlok' ex ma noj tuj tx'otx' lu tu'n.
10Ma che kyaj ten qe witz tjaq' t-xlekumal, ex qe nmaq tze' b'i'x ma che kyaj b'aj tjaq' t-xlekumal tq'ab'.
11Max ma pon ch'iy tq'ab' ttzi nima Éufrates.
12¿Tiqu'n ma b'aj t-xituna tpe'n ex ma taq'a amb'il kye xjal in che ik' tuj b'e tu'n tel kyxilin twitz?
13Ma b'aj naj kyu'n b'och te tjaq' k'ul, ex ma b'aj kywa'n qe txkup tuj k'ul.
14Nman Dios Tajaw Tkyaqil, tajtza quk'ile; qo tke'yintza max tuj kya'j ex ximana ti'j tqan uva lu,
15aju axa ku'x awante te, ex tu'nxa ma ch'iy t-xul.
16E kynaj tu'n tq'oja qeju in che b'aj tx'eminte ex nno'kx kyq'o'n tuj q'aq';
17ex onintza aju xjal ma jaw t-sk'o'na ex aju tk'wa'l tu'nxa ma ch'iy.
18Mlay tz'el qpa'n qib'e ti'ja juntl maj; q'ontza qchwinqlale ex o'kx teya qo kub'sale.
19Nman Dios aya Tajaw Tkyaqil, q'i'n ajtza ti'j qanmiye tu'n qajb'ene juntl maj teya, qo tke'yintza tuk'il tzalajb'il tu'ntzun qklete.
Who We AreWhat We EelieveWhat We Do
2025 by iamachristian.org,Inc All rights reserved.
