1Tuj tq'ijlalil lu ul Juan aju in che b'yan xjal tu'n tuj a', o pakb'an tuj Judea tuj lugar tzqij tx'otx',
2in tma'n kye xjal:
—Tajtz ti'j kyanmiye, porke ma tzul laq'e' ju kawb'il in tzaj tuj kya'j, chi Juan.
3Ate Juan o yolin Isaías ti'j, aju t-sanjel Dios. Tma Isaías:
In jaw tq'ajq'ajel twi' jun xjal tuj lugar tzqij tx'otx', in tma'n: Kyb'inchame tb'e Qman, kyb'inchame jun tb'e jiqun ti'j.
4Aju t-xb'alun Juan tok, ttzmal chej camey, ex tz'u'm k'alb'il tk'u'j, ex ẍplon twa tuk'ix ta'l kab' tuj tze'.
5Ex e pon xjal tuk'il Juan, in che tzaj tuj Jerusalén ex tuj tkyaqil Judea ex tuj tkyaqil lugar ttzi'yile nima Jordán;
6ex tej tjatz kypa'n kyil, e b'yan tu'n Juan tuj nima Jordán.
7Pero tej tlonte Juan nimku qe fariseo kyuk'ix qe saduceo e pon tuk'il tu'n kyb'yan tuj a', xi tma'n kye:
—Aqeye tiyjil q'anti'. ¿Alkye ma q'mante kyeye tu'n kyel oqe twitz ju castiw ma'xix tzul tu'n Dios?
8Kyb'inchame b'a'n, tu'ntzun tyek'unjtz qa otoq tz'ajtz ti'j kyanmiye.
9Ex mi'n kub' kyximane tuj kyanmiye tu'n kymanteye: Tiyjil Abraham qo'ye; porke kxel nma'ne kyeye, jaku b'ant tu'n Dios tu'n kyok qe ab'j lu te tiyjil Abraham.
10Aju siwb'il k'uxb'il ya ma pon t-xe tlok' tze'; kyja'tzun tkyaqil tze' minti' in tq'o'n twitz b'a'n, kjawil tx'emit, ex k'okex q'ot tuj q'aq'.
11Ax tok in che b'yane tuj a' wu'ne tu'nju ma tz'ajtz ti'j kyanmiye; ex aju lepchix ttzaj wi'je, ok che b'yale tu'n tu'n Xewb'aj Xjan ex tu'n q'aq'; ex mas at tipumal nwitze, ex minti' woklene ti'j tu'n t-xi wi'ne t-xajab'.
12Tzyu'n xupb'il triw tu'n, ex k'elel t-xupin ttz'isil triw tuj tpe'n; k'okex tk'u'n triw tuj ttx'utx', atzun ttz'isil triw kb'el tpatun tu'n q'aq' mlay yupj.
Tej tb'yan Jesús Marcos 1.9-11; Lucas 3.21-2213Etztzun Jesús tuj Galilea, ul tuk'il Juan ttzi nima Jordán tu'n tb'yan tu'n Juan.
14Minti' kub' tuj twitz Juan tu'n tb'yan Jesús tu'n, ex xi tma'n te:
—Aqine il ti'j tu'n nb'yane tu'na; ¿tiqu'n ma tzula wuk'ile tu'n tb'yana wu'ne?
15Pero xi ttzaq'we'n Jesús:
—E tb'ant ja'lo, tu'ntzun tjapun qu'n tkyaqilju in tma'n Dios.
—B'a'n, chi Juan.
16Tej tb'yan Jesús, jatz tuj a' ex jaqet ttzi kya'j, ex o til Jesús T-xew Dios ku'tz tuj kya'j ik ke'yin ik tza'n jun paloma, kub'il tib'aj Jesús.
17Ex tzaj q'ajt Dios tuj kya'j in tma'n:
—Atzun Nk'wa'le jlu k'ujla'nxix wu'ne, in chin tzalaje ti'j.
Who We AreWhat We EelieveWhat We Do
2025 by iamachristian.org,Inc All rights reserved.
