1O yolin Jesús juntl maj kye tuj techal, chi kyja':
2—Aju kawb'il in tzaj tuj kya'j ik tten ik tza'n jun rey tb'incha jun nintz wa'n tej tmoje' tk'wa'l.
3Xi t-sama'n rey qe tmajen txkol kye xjal otoq txi q'ma'n kye tu'n kyul tuj mejeb'le'n; ex aqeju xjal lu minti' kub' tuj kywitz tu'n kytzaj.
4Xitzun t-sama'n rey junjuntl tmajen ex xi tma'n kye: Kymanxe kye qe xjal txko'maj qe: Lu ma b'ant wab'j wu'ne; ma che kub' nb'yo'ne wakẍ kyuk'ix qe walune ulni kynab'l, tkyaqil ma b'ant tten; kytzaje tuj mejeb'le'n, che chikuye.
5Atzun kye xjal minti' xi kyb'i'n. At jun xi' aq'nal ti'j tawal, ex juntl xi' k'ayil;
6ex txqantl xjal e tzyet qe majen kyu'n, e ok ten yasul kyi'j, ex e kub' kyb'yo'n.
7Tejtzun tb'inte rey jlu, tzaj nim tq'oj; e je'x t-sama'n qe t-soldad, b'i'x kub' kyb'yo'n soldad qeju b'yol xjal, ex kub' kypatun kytanmi.
8Xitzun tma'n rey kye tmajen: Aju nintz wa'n te mejeb'le'n ma b'ant tten tkyaqil; ex qe xjal xi q'met kye tu'n kyul, mya b'a'n qe.
9Kyxi'tzune jatum in che moje' b'e, ex kytxkontze kykyaqil xjal alkyex ma che knet kyu'ne, tu'n kyul tuj mejeb'le'n, chi rey.
10E je'xtzun qe majen tuj b'e, e tzaj kychmo'n kykyaqil xjal e knet kyu'n, qe xjal mya b'a'n ex qe xjal b'a'n; kyja'tzun aju ja jatum ok mejeb'le'n o noj kyu'n xjal otoq che tzaj txko'n.
11Okxtzun rey ke'yil kye xjal otoq che tzaj txko'n, o til rey jun xjal mya t-xb'alun tok aju in ajb'en te mejeb'le'n.
12Xi tma'n rey te xjal: Aya wuk'il, ¿tza'n tten soktza tzalu ex mya t-xb'aluna tok aju in ajb'en te mejeb'le'n? Atzunte xjal minti' q'ajt.
13Xitzun tma'n rey kye qeju in che sipan wab'j: Kyk'alome tqan tuk'ix tq'ab', ex kyxo'mixe tuj qlolj ttxa'n pe'n; atzun ktzajel oq'el ex kqitx'itx'il t-xe kye' xjal, chi rey.
14Ex nimku in che tzaj txko'n, ex nik'xi qeju sk'o'maj qe, chi Jesús.
Tu'n tq'onjtz chojb'il te gobierni Marcos 12.13-17; Lucas 20.20-2615E je'xtzun qe fariseo, ex e yolin ti'j kyxolx tza'n tten tu'n tkub' tz'aq Jesús kyu'n ti'j jun tyol.
16E je'x kysama'n fariseo kyxnaq'tzb'en tuk'il Jesús kyuk'ix qeju in che ok lpe' ti'j Herodes ex xi kyma'n te:
—Xnaq'tzal, b'i'n qe qu'n aya ax tok tyola, ex in tq'o'na xnaq'tzb'il tuj tumelxix tza'n tten tu'n qb'et twitz Dios, ex minti' in xob'a kywitz xjal, porke minti' nno'k tke'yina aju t-xilen xjal.
17Q'mantza qeye, ¿chi tok tu'na? ¿B'a'npe tu'n t-xi qq'o'ne chojb'il nne'l tqanin gobierni ex qa mi'n? Che chi.
18Pero el tnik' Jesús ti'j kyximb'etz mya b'a'n ex xi tma'n kye:
—¿Tiqu'n in che jyone tumel wi'je tu'n nkub' tz'aqe tuj jun wile? Xmletz' qeye.
19Kyyek'untze jun pwaq weye aju in xi q'ot te chojb'il.
Xitzun kyyek'un jun denari pwaq.
20Xitzun tqanin Jesús kye:
—¿Al etzun tilb'ilal tok twitz pwaq ex al etzun b'iyb'aj tz'ib'an twitz?
21—Te gobierni, che chi.
Xitzun tma'n Jesús kye:
— Kyq'onxe te gobierni aju te gobierni, ex kyq'onxe te Dios aju te Dios.
22Tej kyb'inte jlu, e lab'in ti'j, kyajtzun ten Jesús kyu'n, ex e ik'tzun.
Aju xjel ti'j ok kyjatz anq'in xjal Marcos 12.18-27; Lucas 20.27-4023Tujx q'ij lu e ul junjun saduceo tuk'il Jesús, aqeju in kyma'n qa mlay jatz anq'in jun xjal kyxol kyimni, ex xi kyqanin te:
24—Xnaq'tzal, che chi, at jun yol kyaj tma'n Moisés: Qa at jun xjal ma kyim ex minti' jun tk'wa'l otoq tzaj, axju titz'in kmojeb'el tuk'il t-xu'jil qtzan ttzik, tu'ntzun tkyaj jun t-xel qtzan ttzik tu'n, tu'n mi'n tnaj tiyjil.
25At wuq xjal e ten qxole kyitz'in kyib'. Knettzun t-xu'jil ju tnejel, ex kyim; ex tu'nju minti' jun tk'wa'l kyaj, kyaj ten ju t-xu'jil te t-xu'jil tkab' k'wa'l.
26Ax ikx o b'aj ti'j tkab' k'wa'l ex ti'j toxin, ax ikx b'aj kyi'j kywuqil, e b'aj kyim.
27Kykyimlenxi kykyaqil, ax ikx te xu'j kyim.
28Tuj tq'ijlalil ok kyjatz anq'in kyimni, ¿alkyetzun k'okel te tchmil xu'j kyxol qeju wuq xjal kyitz'in kyib' tu'nju kywuqil e xujlante te? Che chi Saduceo.
29Xitzun ttzaq'we'n Jesús:
—Ma che el tzpete ti'j porke minti' nne'l kynik'e ti'j ju in tma'n tuj Tu'jil, ex minti' nne'l kynik'e ti'j tipumal Dios.
30Porke tuj tq'ijlalil ok kyjatz anq'in xjal kyxol kyimni minti' kyxu'jil xinaq knetel ex minti' kychmil xu'j knetel, ex kykyaqil ik che okel ik tza'n qe t-anjel Dios ate' tuj kya'j.
31Ex ti'j ju tu'n kyjatz anq'in xjal kyxol kyimni, ¿b'ajxpe jaw kysch'i'ne aju o tma Dios kyeye, chi kyja':?
32Aqine Tdios Abraham, ex Tdios Isaac, ex Tdios Jacob, chi Dios. Ate Dios mya Kydios kyimni, noq o'kx Kydios itz', chi Jesús kye.
33Tej kyb'inte xjal jlu, e lab'in ti'j t-xnaq'tzb'il Jesús.
Aju mandamyent mas ma' toklen Marcos 12.28-3434Atzun kye fariseo, tej kyb'inte qa minti' e q'ajt saduceo tu'n Jesús, b'aj kychmon kyib'.
35Ex at jun chik'b'al ti'j ley kyxol o tajb'e tu'n tok Jesús tuj joyb'il ti'j tu'n, xi tqanin te:
36—Xnaq'tzal, ¿alkye jun mandamyent mas ma' toklen tuj ley? Chi xjal.
37Xi tma'n Jesús te:
—Kyk'ujlame Qman Dios tu'n tkyaqil kyanmiye ex tu'n tkyaqil kyk'u'je ex tu'n tkyaqil kynab'le.
38Atzun tnejel mandamyent jlu ma'xix toklen.
39Ex aju tkab'in mandamyent ikx tten ik tza'n tnejel, in tma'n: Kyk'ujlame qe kyuk'ile ik tza'nx kyeye in kyk'ujlan kyib'e.
40Aqeju kab'e mandamyent lu, atzun ttxuylal tley Moisés ex ttxuylal kyyol qe t-sanjel Dios, chi Jesús te xjal.
¿Al e k'wa'lb'aj ju Crist? Marcos 12.35-37; Lucas 20.41-4441Axtoq kychmon kyib' qe fariseo, xi tqanin Jesús kye:
42—¿Chi tok kyu'ne ti'j ju Crist aju at toklen tu'n Dios? ¿Al e k'wa'lb'aj?
Xi kyma'n te:
—Te David.
43Xitzun tma'n Jesús kye:
—¿Tza'ntzun tten in yolin David ti'j tu'n Xewb'aj Xjan, in tma'n qa a Crist Tajaw? Porke chi David:
44Xi tma'n Qman te Wajawe: Qekuya tuj nb'anq'ab'e akutzun in kub' kyi'j qe aj q'oj ti'ja wu'ne, chi tuj Tu'jil.
45[Qa in tma'n David qa a Crist Tajaw, ¿tza'ntzun tten tu'n tok Crist te tk'wa'l David?] Chi Jesús kye.
46Ex mi jun kye knet yol tu'n tu'n t-xi ttzaq'we'n; ya minti'tl ok kynimarin kyib' tu'n t-xi kyqanin juntl yol te.
Who We AreWhat We EelieveWhat We Do
2025 by iamachristian.org,Inc All rights reserved.
