1Nman Dios, b'a'n ma tb'inchaya ti'j ju tx'otx' etzan tu'na. Ma tzaj tq'o'na juntl maj tzalajb'il kye aj Israel.
2Ma kub' tnajsa'na aju mya b'a'n o kyb'incha qe xjal etzan tu'na ex tkyaqilju kyil;
3te jumajx ma chewix tq'oja ex ttx'u'jila.
4Dios aya klol qeye, ax ikx qo tkloma ja'lo ex mi'n kukx tq'ojina qi'je.
5¿Kukxpetzun ktel tq'oja qi'je? ¿Te jumajxpetzun ktzajel ttx'u'jila qi'je?
6¿Mi'npetzun tzaj tq'o'ntla qchwinqlale tu'ntzun qtzalaje ti'ja, aqo'ye etzan tu'na?
7Nman Dios, yek'untza qeye aju tk'ujlalila ex qo tkloma.
8Kb'el nb'i'ne aju ktzajel tma'n Qman, porke ktzajel tma'n tu'n kyten tuj txub'txaj qe xjal etzan tu'n, kyuk'ix qeju in che niman te, tu'ntzun mi'n kyb'inchante juntl maj aju mya tuj tumel.
9Ax tok niqa' ta' te Dios tu'n kyklet qeju in che niman te; ktel tajwalil tuj qtanmi.
10Aju tk'ujlalil Dios ex aju tyol axix tok ma kyk'ulb'a kyib', aju ttxub'txajal ex ju tz'aqlxix ma b'aj kytz'ub'an kytzi',
11aju yol axix tok kjawil poq'l twitz tx'otx' ex aju Dios tz'aqlxix ktzajel tke'yin max tuj kya'j.
12Tu'nx te Qman ktzajel tq'o'n jb'al, ex ktzajel tq'o'n qtx'otx' twitz qawal.
13Aju tz'aqlxix kb'el nej twitz Qman, ex tu'n kb'ajel tb'incha'n ju tb'e.
Who We AreWhat We EelieveWhat We Do
2025 by iamachristian.org,Inc All rights reserved.
