1Nimanxwit tb'i Qman.
Nimanxwit tb'i Qman max tuj kya'j. Aqeye najl tuj kya'j, kynimsa'n jawe tb'i Qman.
2Aqeye t-anjel Qman, kynimsa'n jawe tb'i kykyaqile. Aqeye nimxix kyajlale ate'ye tuj kya'j, kynimsa'n jawe tb'i kykyaqile.
3Aya q'ij ex aya xjaw, kynimsa'n jawe tb'i. Aqeye che'w in che qoptz'aj, kynimsa'n jawe tb'i.
4Aya kya'j ma' tjaw, nimsa'n jawa tb'i, aya a' at twitz kya'j, nimsa'n jawa tb'i.
5E tjaw nimset tb'i Qman porke a o q'mante tu'n kyb'ant kykyaqil jlu;
6e kub' tq'o'n tu'n kyten tuj kylugar te jumajx, kub' tq'o'n jun tley kyib'aj ex mlay che ik' tib'aj.
7Ax ikx kyeye aqeye ate' tuj tkyaqil twitz tx'otx', kynimsa'n jawe tb'i Qman: Aqeye nmaq txkup ate' tuj mar ex aya mar ma' t-xe',
8ax ikx teya tqan q'ankyoq ex saqb'aqun, aya ttxa che'w ex muj, ex aya kyq'iq' nim tipuna ex in japun tu'na aju in tzaj q'ma'n teya;
9aqeye nmaq witz ex qe tal witz, aqeye tze' wi'ten ex qe tze' b'a'n tlo'njtz kywitz,
10aqeye alumaj ex qe txkup tuj k'ul, qe chyu'j, ex qe jil in xi kyjaqu'n kyk'u'j twitz tx'otx';
11aqeye rey twitz tx'otx' ex kykyaqil tnam; kykyaqil qe nejenel ex qe kawil twitz tx'otx',
12qe ku'xun ex qe q'apoj; qe tij xjal ex qe k'wa'l.
13Kykyaqile kynimsa'n jawe tb'i Qman, porke o'kx te ma' t-xilen. Mas ma' tajwalil twitz tajwalil kya'j ex tajwalil tx'otx'.
14Ma txi tq'o'n kyipumal qe xjal etzan tu'n.
E tjaw nimsa'n tb'i kyu'n qe okslal ti'j, aqeju aj Israel niqayin ate' ttxlaj ex etzan qe tu'n.
Nimanxwit tb'i Qman.
Who We AreWhat We EelieveWhat We Do
2025 by iamachristian.org,Inc All rights reserved.
