1Nman, b'intza nna'j Diose; q'ontz twi'ya ti'j nkub'sb'ile. Chin ttzaq'wentza porke tz'aqlxix teya ex tkyaqilju in tzaj ttziyana in japun tu'na.
2Mi'n chin ok tq'o'na tuj xjel kyi'j qe npaltile aqine tmajena, ex mi a'l jun minti'wt til twitza.
3In chin yajlanjtze kyu'n aj q'oj wi'je; mer ik tza'n in chin b'aj pach'u'ne kyu'n twitz tx'otx'; ma chin okx kyq'o'n tuj qlolj ik tza'n qeju o che kyim.
4Ma b'aj nk'u'je tuj b'is; ma tzaj t-xob'il wi'je.
5In tzaj nna'ne qe tq'ijlalil ojtxi ex in chin ximane ti'j tkyaqilju o tb'inchaya.
6In che jaw nyek'une qe nq'ab'e twitz kya'j tu'n nkub'sane twitza, in txqet wanmiye ti'ja ik tza'n tzqij tx'otx' tajb'il a'.
7Nman, chin ttzaq'wentz naja, ex ch'ix tjatz b'aj nxewe. Mi'n tz'el tewan tib'a nwitze tu'ntzun mi'n woke ik tza'n qe kyimni.
8Te prim yek'untza tk'ujlalila weye, porke ti'ja ma tz'ok qe' nk'u'je. Yek'untza weye alkye tu'n nb'inchanteye, porke teya in chin kub'sane.
9Chin tkloma kywitz aj q'oj wi'je Nman, ex tuk'ila in pon nklon wib'e.
10Chin t-xnaq'tzantza tu'n tb'ant tajb'ila wu'ne, porke aya Ndiose. Q'inxa qine tuj b'e jiqun ti'j porke aya puro b'a'na.
11Noq tu'nju ma' toklen tb'iya Nman, q'ontza amb'il tu'n kukx wanq'ine. Chin ti'mexa tuj yajb'il weye porke tz'aqlxix teya.
12Che najxwit qe aj q'oj wi'je tu'na, tu'nju at tk'ujlalila wi'je. Che najxwit kykyaqil aj q'oj wi'je tu'na, porke aqine tmajena.
Who We AreWhat We EelieveWhat We Do
2025 by iamachristian.org,Inc All rights reserved.
