1Aya Qman Dios Tajaw Tkyaqil, ma'xix t-xilen tb'iya tuj tkyaqil twitz tx'otx', in pon qoptz'aj tajwalila max t-xe'pun kya'j.
2Tu'nju in jaw nimsa'n tb'iya kyu'n qe tal k'wa'l kyuk'ix qeju na'nx kyel ti'j kych'u', ma jaw tb'incha'na jun ja te kolb'il tu'n kylaj qe aj q'oj ti'ja, tu'ntzun kyb'aj naj qeju mib'an che niman ex qe aj q'oj.
3Ok in xi nke'yine aju twitz kya'j b'ant tu'na, aju xjaw ex qe che'w ate'k tu'na twitz,
4in kub' nximane: ¿Ti kyxilen qe xjal? ¿Tiqu'n kukx in che tzaj tna'na ex kwentin qe tu'na?
5O tb'inchaya qe xjal ch'ixmi pon kyoklen ik tza'n qe anjel, ex ok tq'o'na kyajwalil ex nimb'il kye ik tza'n jun rey.
6Xi tq'o'na kyoklen tib'aj tkyaqil taq'unb'ena, ex kyaj tq'o'na tkyaqil tjaq' kykawb'il.
7Kyaj tq'o'na qe ẍne'l tjaq' kykawb'il, kyuk'ix qe wakẍ ex qe txkup te tjaq' k'ul,
8kyuk'ix qe chyu'j in che lipan twitz kya'j, qe kyiẍ tuj mar ex kykyaqil qeju ate' tuj mar.
9Aya Qman Dios Tajaw Tkyaqil, ma'xix t-xilen tb'iya tuj tkyaqil twitz tx'otx'.
Who We AreWhat We EelieveWhat We Do
2025 by iamachristian.org,Inc All rights reserved.
