1Ma'xix toklena Nman, b'a'n tu'n t-xi q'ot chjonte teya ex tu'n kyxi b'itzet qe b'itz te nimb'il teya.
2Tu'n t-xi q'met te prim ex te qonik'an aju tk'ujlalila ma'xix ex aju ttena tz'aqlxix,
3tuk'il tq'ajq'ajel kywi chnab' arpa ex kitar.
4Nman Dios, in chin tzalaje kyu'n qe tb'inchb'ena. Kyu'n qe taq'unb'ena ma chin noje tu'n tzalajb'il.
5Nman Dios, ma'xix qe taq'unb'ena, ex qe t-ximb'etza jalo poninb'aj.
6O'kx qeju minti' kynab'l mlay tz'el kynik' ti'j.
7Qe xjal mya b'a'n, maske che ch'iy ik tza'n k'ul, ex maske che ok q'inun, pero a jlu o'kx k'ajb'el tu'n kynaj te jumajx.
8Atzun teya Nman, kukx ktela ma'xix toklena.
9Ax tok Nman, ok che najel qe aj q'oj ti'ja; ex kykyaqil qe b'inchal mya b'a'n ok che b'ajel sputj.
10Tu'na nno'k mastl wipune ik tza'n tipun jun tor, ex in jax tq'o'na perjum tuj nwi'ye.
11Ok wila'ye ok kynaj qe aj q'oj wi'je; ex ok nb'i'ye ok tkub' kycastiw qe xjal mya b'a'n, aqeju ma jaw kyi'n kyib' wi'je.
12Qe xjal tz'aqlxix che tel tuj txub'txaj, ik che okel ik tza'n qe palma tb'anilxix, ex che ch'iyil ik tza'n qe wi'ten twi witz Líbano.
13Ik kyten ik tza'n qe tze' awa'n qe jatum ta' tja Qman. Nno'k kyxmakal ttxa'n pe'n twitz tja Dios.
14Ex kukx nno'k kywitz maske otoq che tijin; kukx ktel kyipun ex puro cha'x qe;
15ex ok kxel kyma'n kyja': Tz'aqlxixte Qman aju klol weye, ex minti' jun mya b'a'n tuk'il.
Who We AreWhat We EelieveWhat We Do
2025 by iamachristian.org,Inc All rights reserved.
