Josué 15 - Mam Huehuetenango New Ortography

Aju kytx'otx' aj Judá

1Aju tx'otx' ok te kye tiyjil Judá tej tjaw swert ti'j ik tza'nx kyajlal teyle junjun k'loj kyiyjil, pon b'aj max tmojonil kytx'otx' aj Edom, atzun tuj tnayaj q'ij pon b'aj max tuj tzqij tx'otx' Zin;

2aju mojón tumlal tnayaj q'ij, atzun in xi qe' max ttxa'n mar at nim atz'an tuj,

3xi'yintl tu'n tjax twitz jawl Acrabim, exni tuj tzqij tx'otx' Zin, exni tuj chq'ajlaj Cades-barnea, xi'yintl tu'n tpon max tuj Hezrón, jawinx max tuj Adar, in q'o'n welt max tuj lugar Carca,

4ex atzun ik'ni tu'n tpon max tuj lugar Asmón, tu'n tex ttzi tq'ab' xaq te Egipto, ex japun b'aj ttzi Nintz mar. Atzunju mojón lu tuj tnayaj q'ij.

5Aju tmojonil tuj tjawitz q'ij, atzun mar at nim atz'an tuj, ex ponin b'aj max jatum nno'kx nima Jordán tuj mar at nim atz'an tuj. Ex atzun tzajni qe' tmojonil tuj tb'anq'ab' q'ij:

6Jawnix tuj lugar Bet-hogla, ik'ni twi tx'otx' Bet-arabá, ik'ni tu'n tpon jatum ta' pik Bohán, (ate Bohán tky'ajal Rubén),

7jawnix tuj chq'ajlaj Acor tu'n tpon tuj tnam Debir, ex atzun kub'intz tuj Gilgal, tkub'sa'n twitz jawl Adumín, tku'tz ma t-xe tq'ab' xaq, ex ik'intl mojón jatum ta' twi a' En-semes, xi'yni tu'n tpon max tuj lugar En-rogel;

8ex ik'ni tuj chq'ajlaj Ben-hinom, t-xe twitz jawl Jebús ex qa Jerusalén, ex jawnix twi witz aju tkub'sa'n tuj telex q'ij te chq'ajlaj Hinom ex tuj tb'anq'ab' q'ij te chq'ajlaj Refaim,

9tu'ntzun tq'on welt twi witz, ex tu'n tpon max jatum ta' twi a' Neftoa, ex tu'n tpon max kyuj qe tnam ate' twi witz Efrón, ik'ni tuj tnam Baala ex ax juntl tb'i Quiriat-jearim.

10Atzun in meltz'aj mojón tuj telex q'ij te tnam Baala tu'n tpon max twi witz Seir, ex elnix tuj tb'anq'ab' q'ij twi witz Queslón aju ax juntl tb'i Jearim, tu'ntzun tkub'il max tuj tnam Bet-semes, ex tu'n tik' tuj tnam Timna,

11ex elnix tuj tb'anq'ab' q'ij twitz jawl te tnam Ecrón, ex elnix twi witz Baala, tu'n tex tuj lugar Jabneel, tu'ntzun tpon b'aj ttzi Nintz mar.

12Ate Nintz mar ok te mojón tuj telex q'ij. Atzun qe mojón lu ti'j etzb'il o kyk'am qe tiyjil Judá, ex kub' sipan kyxol junjun k'loj kyiyjil.

Kub' kyi'j tnam Hebrón ex Debir tu'n Caleb Jueces 1.10-15

13Xi tq'o'n Josué te Caleb aju tky'ajal Jefone jun piẍ tx'otx' ti'j kytx'otx' qe tiyjil Judá, ik tza'nx otoq tma Qman te Josué. Xi tq'o'n aju tnam Quiriat-arba aju ax juntl tb'i Hebrón. Ate Arba t-xe'chel Anac.

14Atzun e ex tlajo'n Caleb ox tiyjil Anac, ex atzun kyb'i jlu: Sesai, Ahimán ex Talmai.

15Te tib'ajxi xi' q'ojlel kyi'j qe xjal najlqe tuj tnam Debir, aju Quiriat-sefer tb'i nej.

16Ex tma Caleb: Alkye jun ma tz'ok tzoqpaj ti'j tnam lu, ex qa ma kub' ti'j tu'n, jaku txi nq'o'ne nme'jele Acsa te tu'n tok te t-xu'jil.

17Tzyet tnam lu tu'n Otoniel aju tky'ajal Cenes, aju ax terman Caleb, ex xi tq'o'n Caleb Acsa te, aju tme'jel, tu'n tok te t-xu'jil.

18Tej otoq b'ant tten Acsa tu'n t-xi' tuk'il Otoniel, xi tma'n Otoniel te tu'n t-xi tqanin te tman jun piẍ tx'otx' te kojb'il. Ku'tztzun Acsa tib'aj bur ex xi tqanin Caleb te:

—¿Ti taja?

19—Wajb'ile tu'n t-xi nqanine jun xtalb'il teya. Yake ma tzaj tq'o'na weye aju tzqij tx'otx' tuj lugar Néguev, ax ikx q'ontza qe twi a' weye, chi Acsa, xi ttzaq'we'n.

Xitzun tq'o'n Caleb qe twi a' te jawni ex qe twi a' te kub'ni te.

Qe tnam kye qe tiyjil Judá

20Atzun kyetzb'il qe tiyjil Judá jlu, aju kub' sipan kyxol teyle junjun k'loj kyiyjil.

21Aqeju tnam e ok te kye tuj tx'otx' Néguev, ponin max tuj tmojonil kytx'otx' aj Edom, atzun qe jlu: Cabseel, Edar, Jagur,

22Cina, Dimona, Adada,

23Cedes, Hazor, Itnán,

24Zif, Telem, Bealot,

25Hazor-hadata, Queriot, Hezrón (aju ax juntl tb'i Hazor),

26Amam, Sema, Molada,

27Hazar-gada, Hesmón, Bet-pelet

28Hazar-sual, Beerseba, Bizotia,

29Baala, Iim, Esem,

30Eltolad, Quesil, Horma,

31Siclag, Madmana, Sansana,

32Lebaot, Silhim, Aín ex Rimón. O japun 29 tnam tu'n tkyaqilx, kyuk'ix qe aldey ate' kyi'jele.

33Atzun tuj chq'ajlaj, atzun qe tnam jlu e ok te kye: Estaol, Zora, Asena,

34Zanoa, En-ganim, Tapúa, Enam,

35Jarmut, Adulam, Soco, Azeca,

36Saaraim, Aditaim, Gedera ex Gederotaim; kyajlaj tnam tu'n tkyaqilx, kyuk'ix qe aldey ate' kyi'jele.

37Ex qe tnam Zenán, Hadasa, Migdal-gad,

38Dileán, Mizpa, Jocteel,

39Laquis, Boscat, Eglón,

40Cabón, Lahmam, Quitlis,

41Gederot, Bet-dagón, Naama ex Maceda; qaqlaj tnam tu'n tkyaqilx, kyuk'ix qe aldey ate' kyi'jele.

42Ex qe tnam Libna, Eter, Asán,

43Jifta, Asena, Nezib,

44Keila, Aczib ex Maresa; b'elaj tnam tu'n tkyaqilx, kyuk'ix qe aldey ate' kyi'jele.

45Ax ikx tnam Ecrón, kyuk'ix qe taldey ex txqantl tal lugar ate' ti'jele.

46Xi'yinx tuj tnam Ecrón ex ponin b'aj max ttzi Nintz mar, tkyaqil tx'otx' tok niqayin ti'j tnam Asdod, junx kyuk'il qe taldey.

47Ax ikx tnam Asdod, kyuk'ix qe taldey ex qe txqantl lugar ate' ti'jele, ex tnam Gaza, kyuk'ix qe taldey ex qe txqantl lugar ate' ti'jele, ku'pun b'aj max ttzi tq'ab' xaq te Egipto ex ponin b'aj ttzi Nintz mar.

48Tuj tiwitz tx'otx', atzun qe tnam lu e ok te kye aj Judá: Samir, Jatir, Soco,

49Dana, Quiriat-sana (aju ax juntl tb'i Debir),

50Anab, Estemoa, Anim,

51Gosén, Holón ex Gilo; junlaj tnam tu'n tkyaqilx, kyuk'ix qe aldey ate' kyi'jele.

52Ex qe tnam Arab, Duma, Esán

53Janum, Bet-tapúa, Afeca,

54Humta, Quiriat-arba, (aju ax juntl tb'i Hebrón) ex Sior; b'elaj tnam tu'n tkyaqilx, kyuk'ix qe aldey ate' kyi'jele.

55Ex qe tnam Maón, Carmel, Zif, Juta,

56Jezreel, Jocdeam, Zanoa,

57Caín, Gabaa ex Timna; laj tnam tu'n tkyaqilx, kyuk'ix qe aldey ate' kyi'jele.

58Ex qe tnam Halhul, Bet-sur, Gerdor,

59Maarat, Bet-anot ex Eltecón; qaq tnam tu'n tkyaqilx, kyuk'ix qe aldey ate' kyi'jele.

60Qe tnam Quiriat-baal aju ax juntl tb'i Quiriat-jearim, ex tnam Rabá, kyuk'ix qe aldey ate' kyi'jele.

61Tuj lugar tzqij tx'otx', atzun qe tnam lu e ok te kye: Bet-arabá, Midín, Secaca,

62Nibsán, aju tnam at nim atz'an tuj, ex En-gadi; qaq tnam tu'n tkyaqilx, kyuk'ix qe aldey ate' kyi'jele.

63Qe tiyjil Judá minti' e xkye' tu'n kyex kylajo'n qe xjal aj Jebuseo aqeju najl tuj Jerusalén, kyja'tzun ax najlqe aj Jebuseo ja'lo tuj Jerusalén junx kyuk'il qe tiyjil Judá.