1Aqeye at kyoklene: ¿Tzinpe kub' kyq'o'ne qe sentens tuj tumelxix ex tzinpe xi kyb'incha'ne kyi'j xjal tuj tumelxix?
2Minti', o'kx in che ximane ti'j tu'n tb'ant mya b'a'n kyu'ne; ex in kub' kyq'o'ne kysentens xjal kyuwxix wen.
3Qe xjal mya b'a'n, atxix tuj talb'il kytxu' b'i'x in che el txalpuj; ax ikx qe nik'al yol in che el tzpet b'i'x ok kyul itz'j.
4At kyvenen ik tza'n kyvenen lob'aj; ik kyten ik tza'n q'anti' nno'k tq'on tib' te chkyin, nno'k tmaqsi'n tuj t-ẍkyin
5tu'ntzun mi'n tb'inte aju tq'ajq'ajel chnab' tu'n aj nab'l, aju at nim tnab'l tu'n t-xmoxin kyi'j lob'aj.
6Nman Dios, b'uchin etza qe twitz kye'. Nman, pa'n etza twitz kye' qe xjal lu; ik kyten ik tza'n qe b'alun.
7E kykub' naj ik tza'n in kub' tzqij a' nne'l qojl; e kytzqij ik tza'n k'ul at ttzi b'e.
8E kykub' ulj ik tza'n ju sjoq'txa'n nne'l ulj tujx ta'l ttzi', ex e kyok ik tza'n jun k'wa'l nnu'l itz'j na'nx tpon tq'ij tu'n tul itz'j.
9Na'nxtoq kyna'nte, jurat naj che jawil tx'emin ik tza'n k'ul, ex che xel q'i'n tu'n ttx'u'jil Dios ik tza'n in xi q'i'n jun ti'xti tu'n xkyaqinpaẍ.
10Aju xjal tz'aqlxix ktzalajel ok tok tke'yin otoq xelin kyi'j; knojel ti'j tqan tu'n kychk'el qe xjal mya b'a'n otoq che kyim tuj q'oj.
11Oktzun kyma' xjal: Ax tok at jun tb'anil chojb'il kye qe xjal tz'aqlxix. Ax tok at jun Dios in kub' q'onte kycastiw xjal.
Who We AreWhat We EelieveWhat We Do
2025 by iamachristian.org,Inc All rights reserved.
