1In qo aq'nane junx tuk'il Dios, kyja'tzun in qo kub'sane kywitze tu'n mi'n kyk'monteye t-xtalb'il Dios noqx gan.
2Porke in tma'n Dios tuj Tu'jil:
Ma nb'iye tyola ex ma tzul tq'ijlalil tu'n t-xi nq'o'ne nxtalb'ile teya, ma tzul kanun aju tq'ijlalil kolb'il ex chin onile ti'ja, chi tuj Tu'jil.
Ja'lo tq'ijlalil xtalb'il; ja'lo tq'ijlalil kolb'il.
3Minti' in kub' qq'o'ne tolsab'l kywitz xjal tu'ntzun mi'n kyyolin xjal mya b'a'n ti'j qaq'unb'ene.
4Nno'k tilil qu'ne tu'n qele b'a'n tuj tkyaqil, tu'nju ajb'el qo'ye te Dios, nim nnik'x qu'ne, ex tuj tkyaqil at nim qpasense; at maj in qo yajlanjtze, at maj minti' in kanun aju in ajb'en qeye, at maj in qo tzyete tu'n b'is;
5at maj in qo b'aj asyaline, at maj in qo okx q'o'ne tuj pres, at maj in che jaw tilj xjal qi'je, nim in qo aq'nane, at maj minti' in qo tane ex at maj nnik'x we'yaj qu'ne.
6Tuj tkyaqil nno'k tilil qu'ne tu'n qele b'a'n, tu'nju qanmiye saq, tu'nju at qnab'le, tu'nju at qpasense, tu'nju at qb'anile, tu'nju at Xewb'aj Xjan quk'ile, tu'nju at qk'ujlalile axix tok,
7tu'nju axix tok ju yol in xi qma'ne, tu'nju at tipumal Dios quk'ile, ex tu'nju in qo b'ete tuj tumelxix; ik tten jlu ik tza'n jun q'ojb'il tuj qb'anq'ab'e ex tuj qnayaje tu'n qklete.
8At maj in qo nimanjtze kyu'n xjal ex at maj minti' in qo nimanjtze, at maj in che yolin xjal b'a'n qi'je ex at maj in che yolin mya b'a'n qi'je; in qo ok q'o'ne nik'al yol, pero ax tok qyole.
9Mer ik tza'n minti' ojtzqi'n qwitze kyu'n xjal, ex ojtzqi'nxix qwitze kyu'n; mer ik tza'n ch'ix qkyime, ex itz'x qo'ye; in qo k'ixb'isanjtze, ex minti' in qo kyime.
10At nim qb'ise, ex kukx in qo tzalaje; meb'a xjal qo'ye, ex nim xjal in che ok q'inun qu'ne; minti' ch'in at qeye, pero tkyaqil at qeye.
11Clarxix in chin yoline kyuk'ile, aqeye aj Corinto, nimxix qk'ujlalile kyi'je.
12Qeye at qk'ujlalile kyi'je, atzun kyeye minti' kyk'ujlalile qi'je.
13In chin kub'sane kywitze ik tza'n jun mamb'aj in kub'san kywitz tk'wa'l, ik tza'n weye at nk'ujlalile kyi'je, ax ikx kyeye atwit kyk'ujlalile wi'je.
Tja Dios qo', aju Dios itz'14Mi'n tz'ok kymojb'an kyib'e kyuk'il qe mya okslal, porke mya ax kynab'le ik tza'n kye. Ex baqa kyuk'in kyib' qeju tz'aqlxix kyuk'il qeju mya tz'aqlxix. Ex baqa at tmojb'ab'l tib' spik'un tuk'il qlolj.
15Ex baqa mojl tyol Crist tuk'il tyol tajaw il. Ex baqa at toklen okslal tuk'il ju mya okslal.
16Ex baqa junx tten tja Dios kyuk'il qe tilb'ilal porke aqeye tja Dios, aju Dios itz', ik tza'n o tma Dios chi kyja':
Ax chin najale kyxol ex chin b'etele kyxol; ex chin okele te Kydios, atzun kye che okel te jun tnam etzan wu'ne, chi tuj Tu'jil.
17Kyja'tzun ax ikx in tma'n;
Kyetze kyxol ex kypa'mil kyib'e kyi'j, chi Qman; ex mi'n tz'ok kymako'ne aju ttz'ilil. Oktzun che k'metele wu'ne.
18Chin okele te Kymane, atzun kyeye che okele te nky'ajale ex te nme'jele, chi Qman aju at tipumal tu'n b'ant tkyaqil tu'n, chi tuj Tu'jil.
Who We AreWhat We EelieveWhat We Do
2025 by iamachristian.org,Inc All rights reserved.
