1Tb'anilxix che ke'yin qe tqana kyuj qe t-xajb'iya, ik ttena ik tza'n tme'jel rey. Qe twi t-xixa ik kyten ik tza'n qe adorno q'an pwaq tz'umin kywitz b'inchamaj kyu'n xjal at-xix kynab'l ti'j.
2Aju tmuxa mer ik tza'n jun copa se'w tten minti' in kub' naj tb'anil ta'l twitz uva tuj; aju tk'u'ja mer ik tza'n jun b'yuj triw ex txolsa'n qe b'ech ti'jele.
3Qe tima mer ik tza'n kab'e tal ttxu masat yo'ẍ.
4Aju tqula mer ik tza'n jun ja ma' twa'l saqxix ke'yin; qe tb'aq' twitza mer ik tza'n kab'e pil a' ate' tuj tnam Hesbón, aqeju kykub' ttxlaj tlamel Bat-rabim; aju ttxa'na ik tten ik tza'n ju ja ma' twa'l at twi witz Líbano, aju kyja' in xi tke'yin tumlal tnam Damasco.
5Aju twi'ya ik tten ik tza'n ju witz Carmelo; aju ttzmal twi'ya mer ik tza'n noq' ẍjulin ke'yin ex in qoptz'aj; tzyu'n rey tu'n ttzmal twi'ya xpaltx'i'n tten.
6Aya xu'j at nimxix nk'ujlalile ti'ja, achb'ajilxixa ex tb'anilxix ke'yina.
7Aju twa'la mer ik tza'n twa'l jun palma; ex qe tima mer ik tza'n t-rasimil twitz palma.
8In chin ximane ti'j tu'n njaxe twi tqan palma lu ex tu'n woke te tajwil qe twitz. Qe tima ik kyten ik tza'n qe t-rasimil twitz uva; aju t-xewa mer ik tza'n tk'ok'jal mansan;
9aju tuj ttzi'ya puro chi' ik tza'n ta'l twitz uva tb'anilxix, cheb'a in q'ilin tuj ttzi'ya ex kyxol qe twitz te'ya.
Aju tyol xu'j10Aqine te teju xinaq k'ujla'nxix wu'ne; tu'nju at nimxix tgan wi'je nnu'l wuk'ile.
11Chuxa xinaq k'ujla'nxix wu'ne, qo' tuj kojb'il. K'elex qonik'an qu'n kyxol tqan b'ech nimxix kyk'ok'jal.
12Te prim qo xe'l kyxol tqan uva ke'yilte qa at kyxul, qa o poq'chaj kyxmakal, ex qa o che xmakalin qe karnad ẍoq'. Atzun kxel nma'ne teya qa k'ujla'nxixa wu'ne.
13Qe twitz mandrágora k'ok'j tik' kyk'ok'jal. Twitz tlamel qja at tkyaqil txkaj twitz awal b'a'n tlo'njtz; qe twitz awal tzqijsa'n ex twitz awal k'itzqe che kub' q'i'n, tkyaqil jlu ma tz'el npa'ne te teya, aya xinaq k'ujla'nxixa wu'ne.
Who We AreWhat We EelieveWhat We Do
2025 by iamachristian.org,Inc All rights reserved.
