1Aqeye nk'wa'l, kyb'inxe qe xnaq'tzb'il in tq'o'n kymane; kyq'onx kywi'ye ti'j tu'ntzun tok kynab'le.
2Ma txi nq'o'ne jun xnaq'tzb'il b'a'n kyeye, kyja'tzun mi'n kyaj kykoline qe nxnaq'tzb'ile.
3Ax ikx weye, k'wa'lb'aj qine tej ntzaj ch'iye; nim in k'ujlanjtze tu'n ntxu'ye,
4ex tzaj tq'o'n nmane xnaq'tzb'il weye, chi kyja': K'u'nxa nyole tuj tanmiya; b'inchama aju ma txi nma'ne teya, ex k'anq'iltzuna.
5Jyoma aju nab'l ex aju ojtzqib'l; mi'n tzik' kyna'l qe nyole tu'na ex mi'n tz'el tpa'n tib'a kyi'j.
6K'ujlama aju nab'l, mi'n kyaj tkolina, ex atzunju kkolil ti'ja.
7Aju tu'n tb'ant tu'na tnejel twitz tkyaqil, jyoma aju nab'l ex aju ojtzqib'l.
8K'ujlama ex kjawil nimsa'na tu'n; tzyuma ex kq'onjtzel nimb'il teya tu'n;
9ktzajel tq'o'n jun k'alb'il twi'ya tb'anilxix, ex k'okel ik tza'n jun coron tjax tuj twi'ya te nimb'il teya.
10Nk'wa'l, qa ma che'x tb'i'na qe nyole, ex qa ma che'x tnimana, ktela nim q'ij twitz tx'otx'.
11Aqine chin xel q'inte teya tuj b'e jatum tu'n tten tnab'la; ex wu'ne kb'etela tuj b'e jiqun ti'j.
12Ok texa b'etel mlay ten jun tolsab'l tuj tb'eya, ex qa ma jaw ojqelena mlay jaw tolja.
13K'u'nxa xnaq'tzb'il tuj tanmiya ex mi'n kyaj tkolina; xnaq'tzam tib'a ti'j, porke chwinqlal jlu te teya.
14Mi'n tz'ok lpe'ya ti'j kyb'inchb'en xjal mya b'a'n, ex mi'n tz'ok lpe'ya ti'j kymod mya b'a'n.
15Mi'n b'eta tuj kyb'e; pa'n el tib'a kyi'j, ex lajonx teya tb'e,
16porke mya txub'txaj in che tan qa minti' ma kyb'incha mya b'a'n; ex mib'an tz'okx watl tuj kywitz qa na'nxtoq tkub' tz'aq jun xjal kyu'n.
17Aju kyelq'ab'en ex ju mya b'a'n in b'ant kyu'n, ik tten te kye ik tza'n kywa ex kyk'a'.
18Atzun kyb'e qeju tz'aqlxix ik tten ik tza'n spik'un ok ttzaj t-xe kya'j ex in spik'e' ttzaj okxi t-spik'e' tkyaqil tu'n t-spik'umal q'ij.
19Atzun kyb'e qeju b'inchal mya b'a'n puro qlolj tuj; ex minti' b'a'n kyu'n al i'j in che jaw tolj.
20Nk'wa'l, b'intza nyole ex q'ontz twi'ya ti'j,
21mi'n kyaj tkolina ex k'u'nxa tuj tanmiya.
22Porke aju yol lu in tq'o'n chwinqlal kye qe xjal in che jyon ti'j, ex in ten kyximlal tuj txub'txaj tu'n.
23Aju mas b'a'n tu'n tb'inchanteya twitz tkyaqil, q'onka kwent ti'j t-ximb'etza, porke ti'j jlu in tzaj chwinqlal.
24Mi'n yolina ti'j yol mya ax tok, pa'mil tib'a ti'j nik'aj yol.
25Ke'yinxa aju b'e tkub' twitza ex mi'n tz'el ti'n twitza ti'j.
26Q'o'nk tkwenta ti'j jatum kb'el tq'o'n tqana, ex atzun q'onku tqana tib'aj tx'otx' kyuw tten.
27Mi'n tz'el tzpeta ti'j tb'eya, ex pa'nmil tib'a ti'j b'e mya b'a'n.
Who We AreWhat We EelieveWhat We Do
2025 by iamachristian.org,Inc All rights reserved.
