1Nman, b'inchama wi'je porke ma chin b'ete tuj tumelxix. O'kx ti'ja ma tz'ok qe'xix nk'u'je Nman;
2chin tke'yin b'aja, chin tq'onka tuj malb'il, q'onka qe nximb'etze tuj malb'il kyuk'ix qeju tb'is nk'u'je.
3Kukx in tzaj nna'ne tk'ujlalila ex kukx in tene tz'aqlxix twitza;
4mi jun maj o chin tene junx kyuk'il qe xjal nik'al yol ex minti' o tz'ok njunin wib'e kyuk'il qeju xmletz' qe.
5Nne'l wik'une aju b'uyj tib'il kyu'n qe xjal mya b'a'n; mi jun maj o chin tene junx kyuk'il qe xjal jumajx mya b'a'n qe.
6Jaku tz'el ntx'jone nq'ab'e tu'n tel nik'b'aj ti'j minti' wile, waje tu'n nxi laq'e'ye twitz t-altara Nman,
7ex tu'n kyxi nb'itzane qe b'itz te nimb'il teya, ex tu'n kyxi nma'ne qe tb'inchb'ena ma' kyxilen.
8Nman, k'ujla'n tjaya wu'ne jatum najliya, aju lugar jatum tkub'sa'n tajwalila.
9Mi'n taq'a amb'il tu'n nkyime ik tza'n in che kyim qe aj il; ex mi'n tb'inchaya wi'je ik tza'n kb'ajel kyi'j qe b'yol xjal,
10aqeju kukx in kyb'incha'n mya b'a'n ex in kyk'mo'n pwaq noq tu'n mi tkub' kysentens xjal kyu'n.
11Atzun weye minti' wile; kyja'tzun chin tkloma, q'aq'antz tk'u'ja wi'je.
12Atzun kykub'sa'n nqane tib'aj tx'otx' kyuw tten; ex kjawil nnimsa'ne Qman kywitz qe xjal etzan tu'n.
Who We AreWhat We EelieveWhat We Do
2025 by iamachristian.org,Inc All rights reserved.
