1Kytzaje kykyaqile, b'a'n tu'n qaj juntl maj tuk'il Qman. Ma qo b'aj tpaẍu'n, pero jaku qo b'anix juntl maj tu'n; ma qo k'ixb'isanjtz tu'n, pero jaku qo ok tq'anan.
2Tuj kab'e q'ij qo b'anixel naj tu'n ex tuj toxin q'ij qo jawil twab'an tu'n qten tuk'il.
3Qq'o'nk tilil tu'n qojtzqinte Qman. Ax tok tzul Qman quk'il ik tza'n in jawil qoptz'aj q'ij, ex ik tten tzul ik tza'n in b'aj ak'set tx'otx' tu'n jb'al tuj ttzi jb'alil ex ok tjaw jb'al.
Aju tzaq'web'l tu'n Qman4Chi Qman: ¿Ti k'okel kyi'je wu'ne aqeye aj Efraín? ¿Ti k'okel kyi'je wu'ne aqeye aj Judá? Porke aju kyk'ujlalile wi'je ik tten ik tza'n muj in kub' te prim ex ik tza'n ttxa che'w in kub' ulj naj ok tjawil q'ij.
5Kyja'tzun, ma che naje wu'ne kyu'n nsanjele, ex tu'n nyole ma che b'aj nb'yo'ne. Aju castiw wu'ne ik tten ik tza'n tqan q'ij nim tipun.
6Aju wajb'ile kyeye, atzun tu'n tten kyk'ujlalile, ex mya tu'n ttzaj kyq'o'ne jun chojb'il weye, wajb'ile tu'n tel kynik'e wi'je qa aqine Dios, ex mya tu'n tkub' kypatune qe alumaj te chojb'il weye.
7Ex qe xjal etzan wu'ne ma kyb'incha ik tza'n o tb'incha Adán, ma che ik' tib'aj ju yol kyaj b'ant ti'j wu'ne kyuk'il, minti' ma txi kyniman nyole.
8Qe xjal aj Galaad b'inchal mya b'a'n qe, nojni tuj tnam tu'n kychk'el xjal otoq che kub' kyu'n.
9Ik kyten qe pal ik tza'n jun k'loj eleq' in xi kyewan kyib' tu'n kyetz tzoqpaj kyi'j xjal, in che kub' xjal kyu'n tuj b'e in xi tuj tnam Siquem ex in kyb'incha'n nimku mya b'a'n.
10Xob'ajilxix aju ma wile in b'ant kyu'n aj Israel, ma tz'el kypa'n kyib' aj Efraín wi'je tu'n kyk'ulun kywitz qe tilb'ilal ex ma b'aj kytz'ilsan kyib' aj Israel.
11Ax ikx kyeye, aqeye aj Judá, ma b'ant ti'j wu'ne alkye q'ij tu'n tkub' kycastiwoye.
Who We AreWhat We EelieveWhat We Do
2025 by iamachristian.org,Inc All rights reserved.
