Salmos 138 - Mam Huehuetenango New Ortography

Na'j Dios te aq'b'il chjonte te QmanB'itz tu'n David

1Nman, kxel nq'o'ne chjonte teya tu'n tkyaqil wanmiye; chin jawil b'itzane kyi'j qe b'itz teya, mlay chin xob'e kywitz qe kydios xjal.

2Chin b'el ẍmeje'ye tumlal tjaya xjan tu'n t-xi nq'o'ne chjonte ti'j tk'ujlalila ex ti'j tyola axix tok, porke o tz'ok tq'o'na mas ma' toklen tb'iya ex tyola twitz tkyaqil ti'xti.

3Tej nkub'sane twitza in tzaj ttzaq'we'na, ex ok mastl wipune tu'na.

4Kykyaqil qe rey te twitz tx'otx' che jawil nimsante teya ok kyb'inte aju yol tzaj ttziyana.

5Kjawil kynimsa'n tb'i Qman ti'j tkyaqilju in b'ant tu'n, ex ma' tajwalil Qman.

6Maske ma'xix toklen Qman, ex in che tzaj tke'yin qe xjal mans, atzun qe xjal in jaw kyniman kyib', najchaq in che tzaj tke'yin.

7Qa ma chin tene tuj xob'ajil in chin klete tu'na tu'n mi'n nkyime; in tzaj tyek'una tipumala ex in chin klete tu'na ok in tzaj kytx'u'jil aj q'oj wi'je.

8Kjapunel tu'n Qman aju t-ximb'etz wi'je. Nman, ktel tk'ujlalila te jumajx; mi'n kyaj tkolina aju aq'untl o tzyet tu'na.

Blog
About Us
Message
Site Map

Who We AreWhat We EelieveWhat We Do

Terms of UsePrivacy Notice

2025 by iamachristian.org,Inc All rights reserved.

Home
Gospel
Question
Blog
Help