1Ate Qman spik'un weye ex klol weye. ¿Al etzun chin xob'ile? Ate Qman klol weye tuj tkyaqil xob'ajil, kyja'tzun mlay chin xob'e.
2Qe xjal b'inchal mya b'a'n, aqeju aj q'oj wi'je, b'aj kychmon kyib' tu'n kyok tzoqpaj wi'je ex tu'n nnaje kyu'n, pero ax qe e jaw tolj ex e kub' tz'aq.
3Maske b'aj kytxolb'an kyib' txqan soldad wi'je, mlay tzaj b'aj nk'u'je; maske che ok ten q'ojlel wi'je, pero kukx kqeb'il nk'u'je.
4O'kx jun in xi nqanine te Qman, junx waje te; atzun tu'n ntene tuj tja Qman tuj tkyaqil q'ij te wanq'ib'le, tu'ntzun nk'ulune te ex tu'n ntzalaje ti'j tu'nju tb'anilxix te.
5Ok ttzaj mya b'a'n wi'je, chin xel ewane tu'n Qman tuj t-xlekumal, chin okex ewane tu'n tuj tja tu'n nklete; chin jawix q'o'ne tu'n twi' jun pik tu'n nklete.
6Kyja'tzun kb'el kyi'j aj q'oj wu'ne, aqeju kytxolb'an kyib' wi'je, ex kyja'tzun kxel nq'o'ne chojb'il te Qman tuj tja; ok chin sch'ile tu'n tzalajb'il; chin b'itzale te Qman.
7In chin q'ajte ti'ja Nman, chin tb'intza. Q'aq'antz tk'u'ja wi'je, chin ttzaq'wentza.
8Aju wanmiye in tma'n weye kyja': Tz'ok tililx tu'na tu'n ttena tuk'il Qman. Kyja'tzun nno'k tilil wu'ne tu'n ntene tuk'ila Qman.
9Mi'n tz'el tewan tib'a nwitze Nman, mi'n tzaj tq'oja wi'je ex mi'n chin el tik'una; o'kxku aya onil weye. Mi'n chin kyaj tq'o'na njunalxe ex mi'n chin kyaj tkolina, porke o'kx aya Ndiose ex klol weye.
10Maske ma chin kyaj koline tu'n nmane ex tu'n ntxu'ye, pero aya k'okel kwentin weye Nman.
11Nman, yek'untza aju tb'eya weye, chin t-ẍaqlunxa tuj b'e jiqun ti'j, tu'n kylaj qe aj q'oj wi'je.
12Mi'n chinx ttzoqpi'na tuj kyq'ab' aj q'oj, porke ma che ok ten xjal nik'al yol wi'je, ex o'kx in che ximan ti'j tu'n nk'ixb'isanjtze kyu'n.
13Ex ma qe' nk'u'je ti'j tu'n nk'monteye t-xtalb'il Qman akux itz'x qine tzalu twitz tx'otx'.
14Qe'k tk'u'ja ti'j Qman, tenx tipuna ex mi'n b'aj tk'u'ja. Ax tok qe'k tk'u'ja ti'j.
Who We AreWhat We EelieveWhat We Do
2025 by iamachristian.org,Inc All rights reserved.
