1 Crónicas 9 - Mam Huehuetenango New Ortography

1Kykyaqil aj Israel ku'x tz'ib'an kyb'i tuj libro kye qe rey kye aj Israel.

Qe xjal e ajtz meltz'aj tuj Babilonia Nehemías 11.1-24

Qe xjal aj Judá e je'x q'i'n tuj Babilonia tu'n tlaj kyb'inchb'en mya b'a'n.

2Qe xjal e ajtz meltz'aj tnejel tu'n kyul kyuj kyetzb'il ex kyuj kytanmi; at qe aj Israel, at qe pal, at qe aj Leví ex at qeju in che ajb'entoq tuj tja Dios.

3At junjun tiyjil Judá, Benjamín, Efraín ex Manasés e ul najal tuj Jerusalén.

4Kyxol tiyjil Judá ul Utai; ate Utai tky'ajal Amiud, atzunte Amiud tky'ajal Omri, atzunte Omri tky'ajal Imri, atzunte Imri tky'ajal Bani; tiyjil Fares qe jlu aju tky'ajal Judá.

5Kyxol tiyjil Silón ul Asaías aju nej tky'ajal, kyuk'ix qe tky'ajal.

6Kyxol tiyjil Zera ul Jeuel kyuk'ix qe terman; qaq syent tuk'il 90 xjal ul.

7Kyxol tiyjil Benjamín ul Salú aju tky'ajal Mesulam, ate Mesulam tky'ajal Hodavías, atzunte Hodavías tky'ajal Asenúa.

8Ax ikx ul Ibneías aju tky'ajal Jeroham, tuk'ix Ela aju tky'ajal Uzi, atzunte Uzi tky'ajal Micri; ax ikx ul Mesulam aju tky'ajal Sefatías, atzunte Sefatías tky'ajal Reuel, atzunte Reuel tky'ajal Ibnías.

9Qe kyerman qe tiyjil Benjamín ik tza'nx qe kyiyjil tz'ib'an, japun jun tajlal te b'elaj syent tuk'il 56 kyb'et, ex kykyaqil qe jlu nejenel kye junjun k'loj kyiyjil.

10Qe pal e ul meltz'aj, atzun qe jlu: Jedaías, Joiarib, Jaquín

11ex Azarías. Ate Azarías tky'ajal Hilcías, atzunte Hilcías tky'ajal Mesulam, atzunte Mesulam tky'ajal Sadoc, atzunte Sadoc tky'ajal Meraiot, atzunte Meraiot tky'ajal Ahitob. Ate Ahitob aju nejenel ma' toklen tuj tja Dios.

12Ax ikx ul Adaía aju tky'ajal Jeroham; atzunte Jeroham tky'ajal Pasur, atzunte Pasur tky'ajal Malquías; tuk'ix Masai ul, aju tky'ajal Adiel; ate Adiel tky'ajal Jazera, atzunte Jazera tky'ajal Mesulam, atzunte Mesulam tky'ajal Mesilemit, atzunte Mesilemit tky'ajal Imer.

13Aju kyajlal qe pal tu'n tkyaqilx, japun te jun mil tuk'il wuq syent tuk'il 60 kyb'et, nejenel qe kye junjun k'loj kyiyjil. Aqeju pal lu nim kynab'l tu'n kyajb'en tuj tja Dios.

14Qe aj Leví e ul meltz'aj, atzun qe jlu: Semaías aju tky'ajal Hasub, ate Hasub tky'ajal Azricam, atzunte Azricam tky'ajal Hasabías; tiyjil Merari qe.

15Tuk'ix Bacbacar ul, tuk'ix Heres, Galal ex Matanías. Ate Matanías tky'ajal Micaía, atzunte Micaía tky'ajal Zicri, atzunte Zicri tky'ajal Asaf.

16Ex tuk'ix Obadías ul. Ate Obadías tky'ajal Semaías, atzunte Semaías tky'ajal Galal, atzunte Galal tky'ajal Jedutún. Ex tuk'ix Berequías ul. Ate Berequías tky'ajal Asa, atzunte Asa tky'ajal Elcana aju najan kyuj qe aldey kye aj Netofatitas.

17Qe xq'uqil ttzi ja, atzun qe jlu: Salum, Acub, Talmón, Ahimán. Ate Salum aju kyerman, atzun nejenel kye.

18Ax ikx ja'lo, ax qe kyiyjil kyok te xq'uqil ttzi tja rey, aju tkub'sa'n tuj tumlal tjawitz q'ij. Atzun qe jlu xq'uqil tuj lugar jatum kykub'sa'n qe aj Leví.

19Ex qe txqantl kyerman ax tiyjil Coré, atzun qe at kyoklen tu'n kyxq'uqin ttzi tja Dios ik tza'nx qe kyxe'chel ok kykwentin tja Dios ojtxi jatum in che okx qe xjal tuj, ex atzun qe jlu: Salum kyuk'ix qe txqantl terman ax tiyjil Coré. Ate Salum tky'ajal Coré, atzunte Coré tky'ajal Ebiasaf, atzunte Ebiasaf tky'ajal juntl Coré.

20Nej ate Finees aju tky'ajal Eleazar ok te nejenel kye. Ex o ten Qman tuk'il.

21Ate Zacarías tky'ajal Meselemías toktoq te xq'uqil ttzi ja xb'alun te mojb'ab'l tib'il tuk'il Dios.

22Qe xjal e jaw sk'o'n te xq'uqil ttzi ja, o japun kyajlal te kab' syent tuk'il kab'laj tu'n tkyaqil, ik tza'nx kyb'i tz'ib'an kyuj qe tnam jatum najlqe. Tu'n David tuk'ix Samuel aju b'a'n nab'in tu'n Dios, ok q'o'n kyoklen ti'j aq'untl lu, tu'nju b'a'n kymod.

23Tza'nxix aqe, ax ikx qe kyky'ajal, e kub' ten xq'uqil ttzi tja Qman aju ja te k'ulb'il.

24Ate'toq qe xq'uqil tuj tkyajil pak' tja Dios, te okni ex te elni, te jawni ex te kub'ni.

25Qe kyerman, aqeju najlqetoq kyuj qe aldey, in che ultoq junjun maj tu'n kyten wuq q'ij te onil kye.

26Ex aqeju kyaje xq'uqil ma'xix kyoklen aj Leví qe, ax ate' qe tkyaqil q'ij, in che xq'uqin qe cuart ex qe q'inumab'l ate' tuj tja Dios.

27Ax nne'x aq'b'il kye ti'jele tja Dios, porke tuj kykwent ta' tu'n tok kykwentin ex tu'n kyjaqet tlamel ja tkyaqil prim.

28At junjun kye tuj kykwent ate' qe makb'il in che ajb'en tuj k'ulb'il; ok in che etz q'i'n, b'i'x in jaw jun tajlal kyi'j, ax ikx ok in che okx q'o'n juntl maj.

29Ex at junjuntl tuj kykwent ate' txqantl makb'il kyuk'ix qe makb'il xjansa'maj qe, tuk'ix arin, ta'l twitz uva, aseyt, storak ex perjum.

30At junjun pal tuj kykwent ta' tu'n tb'inchet perjum;

31ex at jun aj Leví Matatías tb'i, aju nej tky'ajal Salum tiyjil Coré, atzun at toklen ti'j tu'n kyb'inchet qe tal wab'j te oyaj.

32At junjun kyerman tiyjil Coat tuj kykwent ta' tu'n kyb'aj kyb'incha'n qe pan xjansa'maj, aqeju in che kub' q'o'n tuj txolin kyten twi mes tuj tkyaqil q'ij te ojlab'l.

33Ax ikx ate' qeju b'a'n che b'itzan, aj Leví qe, nejenel qe te junjun k'loj kyiyjil, najlqe kyuj qe cuart ti'jele tja Dios; minti' kyoklen ti'j txqantl aq'untl, ex q'ijl ex qonik'an in che ajb'en tuj kyaq'un.

34Atzun qe jlu aj Leví qe ex nejenel qe kye qe kyiyjil; tuj k'lojin kyten ik tza'nx kyb'i tz'ib'an, ex ax najlqe tuj Jerusalén.

Qe t-xe'chel Saúl ex qe tiyjil 1 Crónicas 8.29-40

35Tuj tnam Gabaón najltoq Jehiel, aju nejenel tuj Gabaón. Aju t-xu'jil Jehiel, Maaca tb'i.

36Ex atzun qe kyk'wa'l jlu: Abdón tb'i tnejel, tuk'ix Zur, Cis, Baal, Ner, Nadab,

37Gedor, Ahío, Zacarías ex Miclot.

38Ate Miclot tman Simeam. Ax ikx qe jlu ax e najan tuj Jerusalén, niqayin kytxlaj qe kyerman.

39Ate Ner tman Cis, atzunte Cis tman Saúl, ex ate Saúl tman Jonatán, Malquisúa, Abinadab ex Es-baal.

40Aju tky'ajal Jonatán Merib-baal tb'i, aju tman Micaía.

41Qe tky'ajal Micaía atzun qe jlu: Pitón, Melec, Tarea ex Acaz.

42Ate Acaz tman Jara, ex atzunte Jara tman Alemet, Azmavet ex Zimri; ate Zimri tman Mosa,

43atzunte Mosa tman Bina, atzunte Bina tman Refaías, atzunte Refaías tman Elasa, ex atzunte Elasa tman Azel.

44Qe tky'ajal Azel qaq kyb'aj, ex atzun qe jlu: Azricam, Bocru, Ismael, Searías, Obadías ex Hanán. Aqe jlu tky'ajal Azel qe.