1Nimanxwit tb'i Qman.
Kjawil nnimsa'ne Qman tu'n tkyaqil wanmiye junx kyuk'il qe xjal tz'aqlxix, ex kyxol kykyaqil qeju kychmon kyib'.
2Qe taq'unb'en Qman ma'xix qe, qeju in che tzalaj kyi'j in che xnaq'tzan kyi'j.
3Aju taq'unb'en tb'anilxix ex in qoptz'aj wen, ex aju tten tz'aqlxix kukx ktel te jumajx.
4Kyaj tq'o'n junjun tumel tu'n mi'n tik' kyna'njtz qe tb'inchb'en ma'xix kyxilen.
In tzaj tz'e'y tk'u'j Qman qi'j ex at tq'aq'b'il tk'u'j;
5in xi tq'o'n kywa qeju in che niman te; ex kukx in tzaj tna'n aju yol o kyaj b'ant ti'j tu'n kyuk'il.
6Kyu'n qe taq'unb'en xi tyek'un tipumal kye qe xjal etzan tu'n, ex xi tq'o'n kye aju kytx'otx' qe nasyon.
7Aju in tb'incha'n, tz'aqlxixte ex axix tok; ex b'a'n tu'n tqe' qk'u'j kyi'j qe tmandamyent,
8tu'nju kukx che tel te jumajx tuj tkyaqil tab'q'iyil; axix tok qe ex tz'aqlxix b'inchb'en kye.
9Tu'n e kolpet qe xjal etzan tu'n, ex xi tkyuwsa'n aju yol kyaj b'ant ti'j tu'n kyuk'il. Ate Dios xjante ex xob'ajilxix.
10Aju tumel tu'n tten tnab'l xjal atzun, tu'n t-xob' twitz Qman ex tu'n tniman te; qeju in che niman te in ten nim kynab'l. Kukx kjawil nimsa'n tb'i Dios te jumajx.
Who We AreWhat We EelieveWhat We Do
2025 by iamachristian.org,Inc All rights reserved.
