1Tzalajxa aya tx'otx'. Che tzalajxe aqeye tx'otx' kyokx tuj tmijil mar nimxix kyb'aje. Ate Qman reyte.
2Txolin ti'jele tu'n q'eq muj; in kawin tuj tumel ex tz'aqlxix tkyaqilju in b'ant tu'n;
3nejni q'aq' twitz ex tu'n in che tz'e'y qe aj q'oj ti'j, aqeju txolin kyten ti'jele.
4Aju xle'laj kya'j in tzaj t-sama'n in t-spik'b'a'n twitz tx'otx', ex in jaw lu'lun tx'otx' ok tke'yinte jlu.
5Twitz Qman aju tajwil tkyaqil twitz tx'otx' in che kub' ulj qe witz ik tza'n xkab'.
6Aju kya'j nno'k ten yolil ti'j, tz'aqlxix te Dios; kykyaqil tnam in kyil aju tajwalil.
7E ttzaj kych'ixwi qeju in che k'ulun kywitz qe tilb'ilal, aqeju in che tzalaj kyi'j. Kykyaqil qeju nno'k kydiosin xjal ok che b'el mok'e' twitz Qman.
8Nman Dios, aju tnam Jerusalén kyuk'ix qe tnam ate' tuj tx'otx' Judá in che tzalaj tu'nju in kawina tuj tumelxix;
9porke ma'xix toklena Nman, tkub'sa'na tib'aj tkyaqil twitz tx'otx', ex ma'xix toklena kywitz kykyaqil qeju nno'k kydiosin xjal.
10Aqeye at kyk'ujlalile ti'j Qman, kyik'un ele aju mya b'a'n. Tu'n Qman in che klet qeju in che niman te; in che klet tu'n tu'n mi'n kykub' tz'aq tuj kyq'ab' qe xjal mya b'a'n.
11In qoptz'aj spik'un kywitz qeju tz'aqlxix; at tzalajb'il kye xjal b'a'n kymod.
12Che tzalajxe ti'j Qman aqeye xjal tz'aqlxix, ex kynimsa'n jawe aju tb'i xjan.
Who We AreWhat We EelieveWhat We Do
2025 by iamachristian.org,Inc All rights reserved.
