1Nimanxwit tb'i Qman aju kolol wi'je. Ate in q'onte xnaq'tzb'il weye ex in b'ant ntene tu'n tu'ntzun nq'ojine ok tok q'oj;
2at tk'ujlalil wi'je ex ate kolb'il wib'e, ate wewb'il wib'e mas ma' tjax ex tzoqpilte weye; ik tten te weye ik tza'n jun maqb'il in ajb'en tuj q'oj ex tuk'il in pon nklon wib'e; ate in kub' q'onte kye qe tnam tjaq' nkawb'ile.
3Nman Dios, ¿ti kyxilen qe xjal tu'nju kukx in ximana kyi'j? ¿Ti kyxilen qe xjal tu'nju k'ujla'n qe tu'na?
4Ik tten xjal ik tza'n ch'in kyq'iq' in tzaj ex jurat nne'x, ex ik tten tchwinqlal ik tza'n jun xlekun in kub' naj.
5Nman, jaqo'n ela twitz kya'j ex tku'tza; makon oka qe witz tu'ntzun tetz sib' kyuj;
6samantza tqan q'ankyoq tu'n kyb'aj sputj qe aj q'oj ti'ja, xo'nxa qe tplecha kyi'j tu'n kyel oq.
7Nuqpintza tq'ab'a max jawni ex chin tkloma tuj nimxix xob'ajil; chin tkloma tuj kyq'ab' xjal kyuj txqantl nasyon,
8ex kywitz qeju in kyma'n nik'aj yol ex in jaw kyyek'un kyb'anq'ab' twitz kya'j te kyuwsab'l te jun yol mya ax tok.
9Nman Dios, kxel nb'itzane jun ak'aj b'itz te teya; che xel nb'itzane qe b'itz te teya tuk'il kitar.
10Tu'na in xi tq'o'na kamb'ab'l kye qe rey; tu'na o chin klete aqine David aju tmajena, minti' ma chin kub'e tu'n spad;
11ko'pin ela qine ex chin tkloma tuj kyq'ab' xjal kyuj txqantl nasyon, ex kywitz qeju in kyma'n nik'aj yol ex in jaw kyyek'un kyb'anq'ab' twitz kya'j te kyuwsab'l te jun yol mya ax tok.
12Che ch'iyxwit qe qky'ajal ik tza'n qe tze', ex qe qme'jel tb'anilxixwit che ke'yin ik tza'n qe tqan ja k'ochimaj kyi'j ate' tuj tja rey.
13Che nojxwit qe qtx'utx' tu'n tkyaqil twitz awal b'a'n tnik'b'enjtz. Che chmet-xwit qe qẍne'l tuj milin kyb'et, ela'wt mil kyb'aj che ten kyuj qkojb'il.
14Atwit kyipun qwakẍ tu'n kyjawon iqtz, mi'nwt che ok tzoqpaj xjal qi'j, ex mi'nwt qo el oq kywitz. Ex mi'nwt qo jaw sch'in tu'n xob'ajil kyuj cay.
15At tzalajb'il kye xjal at tkyaqil jlu kye. At tzalajb'il kye xjal a Qman tok te Kydios.
Who We AreWhat We EelieveWhat We Do
2025 by iamachristian.org,Inc All rights reserved.
