1Che laq'etze b'il aqeye tnam, aqeye nasyon kyq'ontz kywi'ye ti'j. B'a'n tu'n ttzaj tb'i'n tx'otx' kyuk'ix qeju ate' twitz, b'a'n tu'n ttzaj tb'i'n enter tx'otx' ex kykyaqil qeju in che tzaj ch'iy twitz.
2Porke ma tzaj tq'oj Qman kyi'j kykyaqil nasyon ex kyi'j kykyaqil qe kysoldad, ex ma kub' kysentens tu'n kykub' xitj ex tu'n kykyim.
3Aqeju che kymel kyxol, kukx che kyjel pale', kb'ajel noj twitz tx'otx' tu'n ttzuwil kyximlal ex knojel twi witz tu'n kychk'el.
4Kykyaqil qe che'w ate' twitz kya'j che b'ajel ulj, kjawil b'alq'i'n kya'j ik tza'n in jaw b'alq'it jun u'j, ex kykyaqil qe che'w che tzajel tz'aq ik tza'n in tzaj tz'aq t-xaq uva ex qa t-xaq higo.
5Ax tok, ok tb'aj naj twitz kya'j tu'n t-spad Qman, kb'eletz kyib'aj aj Edom tu'n tkub' tcastiw ju tnam b'anin ti'j tu'n tnaj.
6Kb'ajel noj ti'j t-spad Qman tu'n chik' ex tu'n sebo, ik tza'n in che kub' b'yet qe tal tman ẍne'l ex qe tman chip te chojb'il. Aju chojb'il lu kb'antel tu'n Qman tuj tnam Bosra ex nim xjal che b'el b'yo'n tuj Edom.
7Che b'el b'yo'n qe xjal ik tza'n in che kub' b'yo'n qe wakẍ te tjaq' k'ul, qe tal tman wakẍ ex qe tor; kb'ajel noj tuj kytanmi tu'n chik' ex knojel tquqil tx'otx' tu'n kysebyil kyimni.
8Ax tok atzun q'ij tu'n t-xelin tu'n Qman, atzun ab'q'i lu tu'n t-xelin tu'n Qman ti'j kyb'inchb'en qe aj Edom ti'j tnam Sión.
9Qe tq'ab' xaq ate' tuj Edom che okel ik tza'n q'ol in k'ant, ex aju tquqil tx'otx' k'okel ik tza'n azufre; aju tx'otx' kk'antel ik tza'n q'ol in k'ant.
10Mlay ku'x yupj q'ijl ex qonik'an; kukx kjawil t-sib'el. Tuj tkyaqil tab'q'iyil kyjel kolin ex mi a'l jun xjal kb'etel ma chixin.
11Atzun che tel qe ẍin ex qe tol; kb'ajel kyb'incha'n qe joj ex qe xitx' kyq'u' tuj. K'okel tx'otx' lu tu'n Qman te jun lugar minti' ttxolil ex mi jun xjal knajal tuj.
12Mlay ten juntl maj jun kyrey tu'n tkawin kyib'aj tnam, kykyaqil qe nejenel kyxol che b'el naj.
13Tuj kyja qe kyrey che tzajel ch'iy qe ch'i'x, ex kyuj qe ja ma' kywa'l te kykolb'il kyib' che tzajel ch'iy qe tqan la tuk'ix ch'i'x k'ul. K'okel te kynajb'il wech ex te kyewb'il kyib' qe chyu'j avestrúz.
14K'okel kyuk'in kyib' qe jil najl tuj tzqij tx'otx' kyuk'il qe xo'j, ex qe chip te tjaq' k'ul ktzajel kytxko'n qe kyuk'il. Atzun knajal ju lab' in xob'tzan qonik'an ex knetel jun lugar tu'n jatum tu'n tojlan.
15Atzun kb'antel kyq'u' ẍin, kb'el kyjos, che jawil poq'l qe kyal ex che okel kychmo'n tu'n kyok kykwentin. Ex ax k'okel kychmon kyib' qe q'anjan, jun tman ex jun ttxu'.
16Kyke'yinkxe tuj libro te Qman ex kysch'i'n jawe: Mi jun kyxol qe jil lu kyjel naj ex minti' jun ktel minti' tmoj, tu'nju axte Qman ma kub' ximante te ex tu'n T-xew che b'ajel tchmo'n.
17Ex teyle junjun ma txi tq'o'n tlugar jatum tu'n tten tuj, axte ma kub' echante kytx'otx' ex te jumajx che najal tuj; tuj tkyaqil tab'q'iyil te jumajx che najal tuj.
Who We AreWhat We EelieveWhat We Do
2025 by iamachristian.org,Inc All rights reserved.
