1Tzyettzun tyolin Job ex tma:
2Noqwit tz'okx malo'n tuj jun balans tkyaqilju nb'ise ex ju mya b'a'n ma tzaj wi'je,
3maslo alxix twitz arena at ttzi mar. Kyja'tzun kyuw ma chin yoline.
4Ate Qman aju at tipumal tu'n tb'ant tkyaqil tu'n, ma che ok t-xo'n qe tplech wi'je, ex aju venen tok kywi' ma txi b'et tuj nximlale. Ma tzaj nimxix nxob'ile toklen tzoqpaj Dios wi'je.
5¿Baqa in q'ajt ttxa'n jun bur qa at cha'x k'ul te twa? ¿Ex baqa in muyin jun wakẍ qa at twa?
6¿Atpe jun xjal in xi tchyo'n jun ti'xti qa minti' atz'an ti'j? ¿Atpe tk'ok'jal t-saqal jos tjunal?
7Porke aju minti'toq waje tu'n t-xi nwa'ne nej, atzunju in xi' wu'ne ja'lo.
8Kuchiwt tzaj tq'o'n Dios aju kxel nqanine te; kuchiwt tu'n tjapun tu'n aju wajb'ile.
9Kuchiwt kub' t-ximan Dios tu'n nnaje tu'n te jumajx.
10Maske lu qine in chin k'ixb'iye tu'n ta'w, in chin tzalaje, ex q'uql nk'u'je tu'nju minti' ma kub' wewane tley ju Dios Xjan.
11Minti'tl wipune tu'n tik'x ta'w wu'ne, ¿tigan kukx tu'n wanq'ine?
12Mya ik wipumale ik tza'n jun pik, ex mya ik tza'n q'an k'uxb'il.
13Mlay b'ant nkwentin wib'e wu'nx wib'e, ex mi a'l jun onil weye.
14Jun xjal at tuj yajb'il at tk'u'j tamiw ti'j, maske mya tz'aqlxix twitz Qman aju at tipumal tu'n tb'ant tkyaqil tu'n.
15Atzun kyeye, aqeye wamiwoye, minti' ma kyb'inchaye jlu weye, ik kytene ik tza'n a' in tzqij tuj tq'ab' xaq.
16Ik kytene ik tza'n a' mya saq twitz, smo'n tuk'il ttxa che'w;
17ex in kub' naj ttxa che'w ex in tzqij a' tuj tq'ab' xaq, ex ok ttzaj ta'w kyaq b'i'x in kub' naj a'.
18Tu'n jlu qe xjal in che b'et in che el tzpet ti'j kyb'e tu'n tlaj a', ex kyja' in che'x tuj b'e tuj tzqij tx'otx', ex atzun in che kyim.
19Qe xjal aj Temán ex aj Sabá in qe' kyk'u'j kyi'j qe tq'ab' xaq lu ok in che'x tuj jun kyb'e,
20ex ok in che pon ttzi tq'ab' xaq lu, minti' in knet a' kyu'n, in tzajtzun kyb'is ex b'i'x in naj kynab'l.
21Iktzun kytene wuk'ile: Nno'k kyke'yine nimxix mya b'a'n ma tzaj wi'je ex in tzaj t-xob'il kyi'je.
22Ex minti' jun ti'xti in xi nqanine kyeye, ex minti' in chin qanine pwaq kyeye tu'n nklete,
23ex minti' in chin qanine tu'n nklete kyu'ne twitz jun aj q'oj, ex mi tu'n nkolpete kyu'ne tuj kyq'ab' qe xjal mya b'a'n.
24Kyq'ontze jun xnaq'tzb'il weye, jaku chin kub' txule'ye b'ilte; kyq'mantze alkye npaltile ma nb'inchaye.
25Mi a'l jun jaku tz'el ik'unte jun xnaq'tzb'il qa tuj tumelxix; ex atzun kyeye ma che yoline mya tuj tumel wi'je.
26Kyeye noq in che xo'ne yol wi'je, ex aju nyole tzkaj nne'la te kyeye ex minti' tajb'en tuj kywitze.
27Jaku b'ant kyu'ne tu'n tjaw kyi'ne swert ti'j jun k'wa'l minti' tman ex ttxu' tu'n tok te kymajene, ax ikx jaku txi kyk'ayine jun kyamiwoye.
28Kyke'yintze tuj nwitze ex kymantze weye qa in chin nik'ane yol.
29Kykolinxe aju yol ma kymaye wi'je, mi'n che oke mya tz'aqlxix; tz'elx kynik'e ti'j, in chin yoline tuj tumel.
30¿Nik'al yolpetzun qine tuj kywitze? ¿Minti'petzun nne'l nnik'e ti'j aju in xi nma'ne?
Who We AreWhat We EelieveWhat We Do
2025 by iamachristian.org,Inc All rights reserved.
