1Nman, in chin kub'sane twitza;
2aya Ndiose, ti'ja q'uql nk'u'je: mi'n taq'a amb'il tu'n tkub' nch'ixwiye. Mi'nwt chin oke te kytzeb'l qe aj q'oj wi'je.
3Mi'nxwit kub' kych'ixwi qeju q'uql kyk'u'j ti'ja. Kub'xwit kych'ixwi qeju noq elajx in jaw kyi'n kyib' ti'ja.
4Nman, yek'untza qe tb'eya weye; ex chin t-ẍaqlunxa kyuj qe;
5chin t-ẍaqlunxa tu'n tyola axix tok, ex chin t-xnaq'tzama, porke aya Ndiose ex klol weye. O'kx ti'ja q'uql nk'u'je tkyaqil q'ij.
6Nman, na'ntza aju tk'ujlalila ex ju t-xtalb'ila, aqeju e tzaj tyek'una qeye atxix ojtxi,
7mi'n tzaj tna'na qe wile ex mi qe mya b'a'n o nb'inchaye tuj nku'xumale. Nman, chin tna'ntza tu'nju tk'ujlalila ex t-xtalb'ila ma'xix.
8B'a'nte Qman ex tz'aqlxix; kyja'tzun in xi tyek'un b'e b'a'n kye xjal aj il,
9in che'x t-ẍaqlu'n qe mans tuj tb'e; ex in che'x t-xnaq'tza'n ti'j ju tz'aqlxix.
10Ate Dios axix tok tyol ex kukx at tk'ujlalil kyi'j qeju in japun kyu'n aju yol kyaj b'ant ti'j tu'n kyuk'il, ex qe tmandamyent.
11Tu'nju ma'xix toklen tb'iya Nman, najsama aju wile ma'xix.
12Aju xjal in niman te Qman, kxel yek'un te alkye b'e tu'n t-xi ti'n:
13ok k'anq'il tuj tzalajb'il tu'n, ex kxel tq'o'n kyoklen qe tiyjil tu'n kyetzante aju tx'otx'.
14Nno'k Qman te kyamiw qe xjal in che niman te, ex in xi tma'n kye aju yol kyaj b'ant ti'j tu'n.
15Kukx in xi nke'yine ti'j Qman, porke ate in klonte weye tuj tkyaqil xob'ajil.
16Chin tke'yintza Nman, ex q'aq'antz tk'u'ja wi'je, ex njunale atine ex in chin b'isune.
17Nim in b'isun wanmiye; chin tkloma tuj yajb'il weye.
18Ke'yintza aju nb'ise ex ju yajb'il weye ex najsama qe wile.
19Ke'yintza, ma che chmet nim aj q'oj wi'je; nimxix ma chin el kyik'un.
20Chin tkwentin oka ex chin tkloma. Mi'n taq'a amb'il tu'n tkub' nch'ixwiye, porke ti'ja ma tz'ok nklon wib'e.
21Tz'ajb'enxwit te kolb'il weye aju nmodiye b'a'n ex tu'nju minti' wile, porke ti'ja ma tz'ok qe' nk'u'je.
22Nman Dios, kloma qe aj Israel tuj tkyaqil yajb'il kye.
Who We AreWhat We EelieveWhat We Do
2025 by iamachristian.org,Inc All rights reserved.
