1Tzaj yolin Qman wuk'ile ex tma kyja':
2Aya xjal, ke'yinxa tumlal kytanmi aj Amón ex q'manxa kye aju mya b'a'n o kyb'incha.
3Q'manxa kye tu'n kyb'inte aju yol in xi nma'ne kye kyja': E jaw sch'ine tu'n tzalajb'il tej kylonteye otoq kub' xitj njaye, ex otoq b'aj xitj kytanmi aj Israel ex qeju najlqe tuj Judá otoq che'x q'i'n pres tuj juntl tnam najchaq.
4Kyja'tzun che xel nq'o'ne tu'n kykyaj tene tjaq' kykawb'il qe tnam te tumlal tjawitz q'ij, k'elel kyetzan kytx'otx'e, ex kb'el kyq'o'n kyja xb'alun kyxole jatum tu'n kykub' ten. Atzun qe che xel nik'b'ente twitz kyawale ex kxel kyk'a'n kyk'aye lech.
5Aju tnam Rabá k'okel wu'ne te kywab'l chej camey, atzunte tnam Amón k'okel wu'ne te kywab'l ẍne'l. K'eleltzun kynik'e ti'j, aqine Dios.
6Aqine Dios kxel nma'ne jlu: Aqeye aj Amón o jaw txaq'an kyq'ab'e, o che jaw t'ikpaje tu'n tzalajb'il, ex o tz'el kyik'une kytanmi aj Israel.
7Kyja'tzun kb'el kycastiwoye wu'ne ex che xel nq'o'ne kye qe nasyon tu'n tel kyi'n tkyaqilju at kyeye. Che najele wu'ne kyxol txqantl tnam, che b'el naje wu'ne kyxol qe nasyon, b'i'x che najele kykyaqile. K'eleltzun kynik'e ti'j, aqine Dios.
Kb'el kycastiw aj Moab8Aqine Dios in xi nma'ne jlu: Qe aj Moab ex qe aj Seir in kyma'n: Aju tnam Judá junx ta' ik tza'n qe txqantl nasyon.
9Kyja'tzun che tzajel wi'ne qe aj q'oj tu'n kyok tzoqpaj kyi'j qe tnam ate' ttxa'nile tx'otx' Moab, ex che b'el nxitune kykyaqil tnam ate' tuj tx'otx' Moab, kyuk'ixpe qe tnam Bet-jesimot, Baal-meón ex Quiriataim, aqeju mas tb'anilxix qe.
10Kxel nq'o'ne kytx'otx' aj Moab tuk'ix kytx'otx' aj Amón kye qe xjal najlqe tuj tjawitz q'ij, kyja'tzun kyxol qe nasyon mi jun xjal tzul na'nte ju tnam Amón.
11Kb'el kysentens aj Moab wu'ne ex k'eleltzun kynik' ti'j, aqine Dios.
Kb'el kycastiw aj Edom12Aqine Dios in xi nma'ne jlu: Qe aj Edom o xelin kyu'n kyi'j qe aj Judá, ex tu'n jlu at kyil.
13Tu'ntzun jlu aqine Dios in xi nma'ne jlu: Kb'el kycastiw aj Edom wu'ne, che najel qe xjal ex qe alumaj, ex b'i'x kb'ajel xitj tkyaqil wu'ne. Che kymel qe xjal tu'n spad, ktzajelx qe' tuj tnam Temán kpol b'aj tuj tnam Dedán.
14Kxelil wu'ne kyi'j aj Edom kyu'n aj Israel; kb'el kyq'o'n nim kycastiw aj Edom tu'nju at nim ntx'u'jile kyi'j. Kyja'tzun k'elel kynik' ti'j ok t-xelin wu'ne. Aqine Dios in chin q'mante jlu.
Kb'el kycastiw aj Filisteo15Aqine Dios in xi nma'ne jlu: Qe aj Filisteo ma xelin kyu'n, tuk'il kyanmi nojni tu'n ik'b'il; atxix ojtxi aj q'oj qe kyi'j aj Israel, ex ok tilil kyu'n tu'n kynaj.
16Tu'ntzun jlu aqine Dios in xi nma'ne jlu: Kb'el kycastiw aj Filisteo wu'ne; che b'ajel naj qe aj quereteo wu'ne, ax ikx che najel wu'ne qeju najlqe ttzi mar.
17Kxelil wu'ne kyi'j tuj jun tumel xob'ajilxix; kb'el kycastiw wu'ne tuk'il ntx'u'jile. Ok tb'ant jlu, k'eleltzun kynik' ti'j, aqine Dios.
Who We AreWhat We EelieveWhat We Do
2025 by iamachristian.org,Inc All rights reserved.
