1Nk'wa'l, qa ma che'x tnimana qe nyole ex qa ma che'x tk'u'na qe nmandamyente tuj tanmiya,
2ex qa ma txi tq'o'n twi'ya ti'j ju nab'l, ex qa taja tu'n tten mastl tojtzqib'la;
3qa ma kub'sana tu'n ttzaj q'o'n tojtzqib'la, ex qa ma txi tqanina tu'n ttzaj q'o'n tnab'la;
4qa ma txi tq'onxix tib'a tu'n tjyona ti'j, ik tza'n in jyona ti'j saq pwaq ex qa jun q'inumab'l,
5oktzun k'elel tnik'a ti'j tza'n tten tu'n t-xob'a twitz Qman ex tu'n tnimana te, ex k'elel tnik'a ti'j tza'n tten tu'n tojtzqinteya Dios.
6Porke ate Qman in tzaj q'onte nab'l; ex tuk'il in tzaj ojtzqib'l ex nab'l.
7In onin Qman kyi'j xjal in che anq'in tuj tumelxix ex minti' kypaltil, ex in kolin kyi'j;
8kwentin tu'n aqeju in che b'et tuj tumelxix, ex in kolin kyi'j qeju in che niman te.
9Ax ikx k'elel tnik'a ti'j aju tjiqumal ti'j ex aju tz'aqlxix, ex ti'j tkyaqil aju b'a'n tu'n tb'ant tu'na;
10k'okel tnab'la, ex tu'nju nab'l lu ktzalajela.
11Aju tnab'la b'a'n ex tojtzqib'la che okel te kolil ti'ja;
12kyu'ntzun qe jlu ok kletela tuj b'e mya b'a'n ex kywitz qe xjal mya b'a'n qe,
13ex kywitz qeju in kyaj kykolin ju b'e b'a'n ex in che'x kyuj qe b'e qlolj kyuj,
14ex kywitz qeju in che tzalaj tu'n kyb'inchante mya b'a'n ex nimxix in che tzalaj ti'j kyb'inchb'en plojxix,
15ex in che b'et kyuj qe b'e ẍo'k kyi'j ex ma kyaj kykolin ju b'e jiqun ti'j.
16Tu'n tnab'la ex tojtzqib'la ok kletela twitz ju xu'j aj pajil, aju mejor xmoxin tu'n tyol,
17aju kyaj tkolin tchmil aju moje' tuk'il tej q'apojxtoq, ex nnik' tna'l tu'n aju yol otoq txi ttziyan te Dios.
18Aju b'e in pon tja ju xu'j lu, atzun b'e te kamik;
19aqeju in che okx tuj tja xu'j lu minti' in che ajtz meltz'aj, ex mlay che b'et juntl maj tuj b'e te chwinqlal.
20Kyja'tzun b'eta tuj b'e b'a'n ex xnaq'tzam tib'a ti'j kymod qe xjal tz'aqlxix.
21Ex qeju in che anq'in tuj tumelxix ex minti' kypaltil, kukx che anq'il twitz tx'otx';
22atzun qeju b'inchal mya b'a'n ex qe aj il, b'i'x che elex lajo'n tuj ex minti' kyoklen ti'j.
Who We AreWhat We EelieveWhat We Do
2025 by iamachristian.org,Inc All rights reserved.
