1Tzaj yolin Qman tuk'il Moisés ex tma:
2Q'manxa kye aj Israel tu'n tex kyi'n ti'jxi campament kykyaqil xjal yab' tu'n tx'a'k minti' q'anb'il ti'j, qe yab' tu'n poj in jaw twi kytz'a'lb'il ex qeju ma che tz'ilix tu'nju otoq tz'ok kymako'n jun kyimni.
3Il ti'j tu'n tex kyi'n ti'jxi campament, qa xinaq ex qa xu'j, tu'ntzun mi'n ttz'ilix campament jatum atine kyxol, chi Qman te Moisés.
4Xi kyniman aj Israel aju tzaj tma'n Qman te Moisés ex e je'x kyi'n ti'jxi campament qe xjal at kytz'ilil.
Aju ley ti'j mya b'a'n in b'inchanjtz ti'j juntl5Tzaj yolin Qman tuk'il Moisés ex tma:
6Q'manxa kye aj Israel jlu: Qa at jun xinaq ex qa jun xu'j minti' in niman weye ex qa ma tb'incha mya b'a'n ti'j juntl, il jlu.
7Il ti'j tu'n tjatz tpa'n til ex tu'n taj tq'o'n juntl maj aju otoq tz'el telq'a'n, ex il ti'j tu'n t-xi tq'o'n tjwe'yin tib'aj.
8Qatzun otoq kyim aju xjal otoq tz'el elq'a'n ti'xti te, ex qa minti' jun terman at tu'n t-xi k'monte aju k'ajetz tq'o'n eleq', a jlu ktzajel q'o'n weye tu'ntzun tajb'en kye qe pal, ex mya o'kx jlu, ax ikx kxel tq'o'n jun ẍne'l te pal tu'n tkub' tb'yo'n te najsb'il til xjal.
9Kykyaqil chojb'il ex oyaj in tzaj kyq'o'n aj Israel weye, aju in pon kyi'n kywitz qe pal, a jlu kyex pal k'ajb'el.
10Tkyaqilju in tzaj q'o'n weye ex in pon q'i'n kywitz pal, kye pal k'ajb'el.
Aju ley kyi'j qe xinaq at kywitz kyi'j kyxu'jil11Tzaj yolin Qman tuk'il Moisés ex tma:
12Q'manxa kye aj Israel jlu: Qa at jun xu'j ma tz'e'l txalpuj ex qa ma tb'incha mya b'a'n ti'j tchmil,
13ex qa ma kub' tan tuk'il juntl xinaq ex minti' ma tb'i tchmil, maske ma tz'ilix ex minti' jun testiw ti'j jlu, ex minti' ma tz'el knet ti'j tb'inchb'en,
14ex qa at twitz chmilb'aj ti'j t-xu'jil, qa otoq tb'incha xu'j il ex qa mi'n,
15kxe'ltzun ti'n chmilb'aj t-xu'jil twitz pal, ex kxel ti'n kab'e libr sebad che'maj, te oyaj ti'j t-xu'jil. Ex mi'n kub' tqo'n aseyt tib'aj sebad che'maj, mi storak, porke a jlu jun oyaj ti'j at twitz chmilb'aj ti'j t-xu'jil, ex jun oyaj tu'n tel jun il tuj q'ancha'l.
16Atzunte pal kpol tlaq'b'a'n xu'j ex kb'el tq'o'n nwitze.
17Ktzajeltzun ti'n pal ch'in a' xjansamaj tuj jun xar tx'otx' ttx'otx'il ex kxel tq'o'n ch'in quq tuj, aju tkub' twitz tx'otx' tuj njaye.
18Kb'el tq'o'n pal aju xu'j nwitze, k'elel tchitpu'n ttzmal twi' xu'j ex kb'el tq'o'n oyaj tuj tq'ab' xu'j, aju oyaj ti'j at twitz chmilb'aj ti'j t-xu'jil, akux tzyu'n xar tu'n jatum tku'x a' k'a, aju in tzaj q'inte castiw.
19Atzunte pal kxel tqanin te xu'j tu'n ttzaj tma'n jun yol axix tok, ex kxel tma'n te kyja': Qa minti' ma kub' tana tuk'il juntl xinaq ex qa b'ajx txi tq'on tib'a te juntl xinaq tu'n tb'inchanteya aju in tz'ilixa tu'n, minti'wttzun b'aj ti'ja ok t-xi tk'a'na a' k'a, aju in tzaj q'inte castiw.
20Qatzun o tb'inchaya mya b'a'n ti'j tchmila ex qa o kub' tana tuk'il juntl xinaq ex o tb'inchaya aju in tz'ilixa tu'n,
21awttzun Qman tz'ok q'onte teya te jun yek'b'il ti'j castiw ktzajel ti'ja kywitz xjal, ex tu'n tb'ant tu'n tu'n kyok tzqij qe t-xixa ex tu'n t-xi mal tk'u'ja.
22Ok t-xi tk'a'na a' k'a, aju in tzaj castiw tu'n, che okel tzqij qe t-xixa ex kxel mal tk'u'ja, chi pal, kxel tma'n te xu'j. Kxe'ltzun ttzaq'we'n xu'j: B'ant-xwit ikju.
23Kb'eltzun ttz'ib'an pal twitz jun b'otz' u'j aju castiw ktzajel ti'j xu'j, ex k'elel ttx'jo'n qe yol tuj a' k'a.
24Kxe'ltzun tq'o'n pal a' lu te xu'j tu'n t-xi tk'a'n, aju in tzaj castiw tu'n, tu'ntzun tk'ayix tuj tk'u'j,
25ex ktzajeltzun ti'n pal aju oyaj ti'j at twitz chmilb'aj ti'j t-xu'jil, aju tkub' tuj tq'ab' xu'j, ex kxel yukut twitz Qman; te tib'ajxi kxel tq'o'n te Qman twitz altar.
26Ktzajel ti'n pal jun yub' ti'j oyaj twitz awal ex kb'el tpatun tib'aj altar ik tza'n jun oyaj kukx tu'n ttzaj na't.
Te tib'ajxitzun kxel tma'n pal tu'n t-xi tk'a'n xu'j aju a' k'a.
27Qatzun otoq tb'incha mya b'a'n ti'j tchmil, kk'ayixtel tuj tk'u'j xu'j tu'n a' k'a, aju in tzaj q'inte castiw, kxel mal tk'u'j, che okel tzqij qe t-xix ex aju xu'j k'okel te jun techal kyxol t-xjalil ti'j castiw otoq tzaj ti'j.
28Qatzun minti' til xu'j, minti' kb'ajel ti'j ex jaku che tzaj tal.
29Atzunju ley lu ti'j at twitz chmilb'aj ti'j t-xu'jil, qa at jun xu'j in tb'incha'n mya b'a'n ti'j tchmil ex in tb'incha'n aju in tz'ilix tu'n,
30ex qa aju chmilb'aj noq kukx at twitz ti'j t-xu'jil. Kxel ti'n chmilb'aj aju t-xu'jil twitz Qman ex kb'antel tu'n pal ti'j xu'j ik tza'nx in tma'n ley lu.
31Minti' te chmilb'aj til ti'j jlu, atzunte xu'j, qa at til ktzajel castiw tib'aj tu'n jlu.
Who We AreWhat We EelieveWhat We Do
2025 by iamachristian.org,Inc All rights reserved.