1Tej tetz Jesús tuj tja Dios kyja' t-xi' tuj juntl lugar, e pon laq'e' qe t-xnaq'tzb'en ttxlaj, xi kyyek'un tja Dios te, tza'n tten b'inchb'en te.
2Ex xi ttzaq'we'n Jesús:
—¿Mape kyile tkyaqil jlu? Ax tok kxel nma'ne kyeye, mlay kyaj ten ab'j tib'aj juntl ab'j, tkyaqil kb'el tilj.
Qe señ na'nxtoq tjapun mankb'il tq'ijlalil Marcos 13.3-23; Lucas 21.7-24; 17.22-243E je'xtzun twi witz Olivos, ex tejtzun tkub' qe' Jesús e pon laq'e' qe t-xnaq'tzb'en ttxlaj junx kye, ex xi kyma'n te:
—Q'mantza qeye, ¿jtoj b'an tjapun tkyaqil jlu ex alkye señ tzul ch'ixtoq tula ex ch'ixtoq tjapun b'aj tq'ijlalil? Che chi.
4Xi ttzaq'we'n Jesús:
—Ten kykwente kyi'je tu'n mi'n kykub' sb'u'ne kyu'n xjal.
5Porke nimku xjal che ul ex k'okel kyq'on kyib' ik tza'n weye ex ok kyma': Aqine ju Crist at woklene tu'n Dios, che chilo; ex nimku xjal che b'el kysb'u'n.
6Ok kyb'i'ye ok tok q'oj ex ok kyb'i'ye tqanil ti'j q'oj, kykwentin ok kyib'e tu'n mi'n kyjaw sek'paje, ex il ti'j tu'n tjapun tkyaqil jlu; ex myatzun a mankb'il tq'ijlalil tu'n tjapun b'aj tkyaqil.
7Porke qe xjal tuj jun nasyon che q'ojlel ti'j juntl nasyon, ex che q'ojlel qe tnam kyi'j txqantl tnam; ex noq jachaq tzul tx'u'j yab'il ex we'yaj ex kyaqnajnab'.
8Tkyaqil jlu atzun tnejel k'ixb'isab'l.
9Ex che xel q'o'ne tuj kyq'ab' xjal tu'n kyb'aj k'ixb'isa'ne, ex che b'el b'yo'ne kyu'n, ex che elel ik'une kyu'n kykyaqil xjal tu'n tlaj okslal qeye wi'je.
10Tu'ntzun jlu nimku xjal kyjel kykolin kyokslab'l; ax qe kyuk'il che okel te aj q'oj kyi'j ex k'elel kyik'un kyib' kyxolx.
11Ex nimku xjal che ul, k'okel kyq'on kyib' te t-sanjel Dios ex mya ax tok kyu'n, ex nimku xjal che b'el kysb'u'n.
12Ex tu'nju otoq chmet il, nimku xjal mi'n tentl kyk'ujlalil kyxolx.
13Ex alkye kukx ma tzik'x tu'n ex minti' ma kub' numj, atzunju ok kletel.
14Aju tqanil b'a'n lu ti'j tkawb'il Dios kxel pakb'et tuj tkyaqil twitz tx'otx' tu'ntzun tchik'b'anjtz ju yol lu kye kykyaqil nasyon; maxitzun tzul mankb'il tq'ijlalil.
15At jun yol kyaj ttz'ib'an Daniel aju t-sanjel Dios; k'okex kyq'o'n xjal jun tilb'ilal ik'b'ilxix ax tuj tja Dios, chi Daniel. Alkye ma jaw sch'inte jlu, tz'elx tnik' ti'j. Kyja'tzun ok kylonteye tokx tilb'ilal lu tuj lugar xjan,
16ex qe xjal ate' tuj tx'otx' Judea, kyxi oq twi witz.
17Alkye jun xjal tjax twi ja, ok tku'tz mi'n tz'okx tuj tja tu'n tetz ti'n jun ti'xti;
18ex alkye jun xjal at tuj kojb'il, mi'n tz'ajtz meltz'aj q'ilte ttxo'w.
19Ex b'ek'b'il kywitz qe xu'j ch'ixtoq tul itz'j kyal tuj tq'ijlalil tzul, ex b'ek'b'il kywitz qe xu'j kukx kych'u'n kyal.
20Kyja'tzun, che na'ne Dios tu'ntzun mi'n kyel oqe tuj jb'alil ex tuj q'ij te ojlab'l;
21porke tzul jun k'ixb'isab'l ma'xix, b'ajx tzaj jun maj ikju atxix tej tb'ant twitz tx'otx', ex mlay tzaj juntl maj ik tza'n jlu.
22Noqwit minti' tu'n tajtz laq'e' ti'j tq'ijlalil k'ixb'isab'l, miwtlo jun xjal tu'n tkyaj klet; ex tu'n kylaj qeju sk'o'maj tu'n Dios, k'ajetz laq'e' ti'j tq'ijlalil k'ixb'isab'l.
23Qa at jun xjal ma q'mante kyeye: Lu Crist lu aju at tulel, qa chi, ex qa lu at ma chixin, qa chi, mi'n txi kyoksla'ne tyol.
24Ok che ul xjal k'okel kyq'on kyib' ik tza'n Crist qe, ex mya ax tok kyu'n, ex che ul xjal k'okel kyq'on kyib' te t-sanjel Dios, ex mya ax tok kyu'n; ex ok kyb'incha' qe señ ma'xix ex qe b'inchb'en nim kyipumal tu'n kysb'un kyi'j xjal, ax ikx ok kyajb'e tu'n kysb'un kyi'j qeju sk'o'maj qe tu'n Dios, noqwit at tumel.
25Ya ma txi nma'ne tkyaqil kyeye na'nxtoq tul kanun tkyaqil jlu.
26Kyja'tzun, qa ma kyma xjal: Lu Crist at tuj lugar minti' kynajb'il xjal tuj, qa che chi, mi'n che'xe ke'yilte te; ex qa ma kyma: Lu Crist tokx tuja, qa che chi, mi'n txi kyoksla'ne kyyol.
27Porke ik tza'n xle'laj kya'j in jaw tuj tjawitz q'ij ex in pon qoptz'aj tuj telex q'ij, iktzun tten chin ule, aqine sk'o'maj qine tu'n Dios tu'n ntene kyuk'il xjal.
28Porke jatum ta' t-ximlal kyimni, atzun che chmetel qe k'utz.
Tza'n tten tzul Jesucrist juntl maj Marcos 13.24-37; Lucas 17.26-30,34-36; 21.25-3329Tb'ajlenxitzun yajb'il tuj tq'ijlalil tzul, k'okel qlolj twitz q'ij, ex aju xjaw mlay k'ant t-spik'umal, qe che'w twitz kya'j che tzajel tz'aq, ex qe tipumal kya'j che yukchtel.
30Oktzun ktzajel yek'un jun techal tuj kya'j tu'n wule, aqine sk'o'maj qine tu'n Dios tu'n ntene kyuk'il xjal, oktzun che jawil oq' kykyaqil xjal tuj junjun tnam twitz tx'otx', ex ok kyila' ok ntzaje tib'aj muj twitz kya'j tuk'il wipumale nim ex in qoptz'aj wi'je tu'n nspik'umale.
31Che tzajel nsama'ne qe n-anjele, k'okel q'ajtza'n chun kyuw, ex qeju sk'o'maj wu'ne che okel chmo'n kyu'n anjel, che tzajel chmo'n tuj tkyaqil twitz tx'otx' ex max ttxa'npun tx'otx'.
32Kyi'mele techal ti'j tqan higo: Ok in tzaj t-xul, nne'l kynik'e ti'j ch'ix tul ttzi jb'alil.
33Ax ikxtzun kyeye, ok kylonteye tkyaqil jlu, tz'elx kynik'e ti'j, niqayin ta' tq'ijlalil tu'n wule, mer ik tza'n otoq chin pone ttzi ja.
34Ax tok kxel nma'ne kyeye, na'nxtoq kykyim qe xjal ate' tuj tq'ijlalil ja'lo ok tjapun tkyaqil jlu.
35Ate kya'j knajel tuk'ix tx'otx', atzun we nyol mlay naj.
36Ex alkye q'ij ex alkye or tu'n wule, mi a'l jun xjal b'ilte, mi qe anjel tuj kya'j minti' b'i'n kyu'n, ax ikx weye minti' b'i'n wu'ne, aqine Tk'wa'l Dios. O'kx Nmane b'a'n tu'n.
37Aju tq'ijlalil ok wule, aqine sk'o'maj qine tu'n Dios tu'n ntene kyuk'il xjal, ik tten ik tza'n tuj tq'ijlalil tej tten Noé.
38Porke tuj tq'ijlalil tej na'nxtoq ttzaj q'eqab', in che wa'n xjal ex in che k'an, in che moje' xinaq tuk'il kyxu'jil ex qe xu'j tuk'il kychmil, kukxtoq kyb'inchante jlu tuj q'ij tej tokx Noé tuj matij barc;
39ex minti'toq tok kykwent ti'j tej ttzaj q'eqab' kyib'aj; kykyaqiltzun e je'x q'i'n tu'n a'. Ikxtzun kb'ajelju ok wule aqine sk'o'maj qine tu'n Dios tu'n ntene kyuk'il xjal.
40Qa at kab'e xjal tuj kojb'il, jun kxel q'i'n ex juntl kyjel q'o'n.
41Qa at kab'e xu'j in che che'n ti'j kya', jun kxel q'i'n ex juntl kyjel q'o'n.
42Kyja'tzun che xq'uqine, porke minti' b'i'n kyu'ne alkye or tzul Kyajawe.
43Ex tz'elx kynik'e ti'j yol lu, noqwit b'i'n tu'n tajaw ja alkye or tzul eleq', jakulo kub' ten xq'uqil ex mlay txi tq'o'n amb'il tu'n tokx tjaqo'n eleq' tja.
44Kyja'tzun ikx kyeye kyb'incham kytene; ok chin ule tuj or aju mya ximan kyu'ne, aqine sk'o'maj qine tu'n Dios tu'n ntene kyuk'il xjal.
Aju majen in b'ant taq'un tu'n ex aju majen minti' in b'ant taq'un Lucas 12.41-4845Aju majen in b'ant taq'un tu'n ex at tnab'l, k'okel q'o'n tu'n tpatrón te kwentil kye qeju ate' tuj tja, tu'n t-xi q'ot kywa ok tpon or.
46At tzalajb'il teju majen lu qa in tb'incha'n alkye taq'un ok tul tpatrón.
47Ax tok kxel nma'ne kyeye, k'okel q'o'n majen lu tu'n tpatrón te kwentil te tkyaqilju at te patrón.
48Ex qa mya b'a'n ju majen lu, ex qa ma tma tuj tanmi: Yaj tzul we npatrón, qa chi,
49ex qa ma tz'ok ten k'ixb'isal kye txqantl majen, ex qa ma tz'ok ten wa'l ex k'al kyuk'il qe k'al q'e'n,
50tzultzun tpatrón majen lu tuj q'ij minti' in ayon ti'j, ex tuj or minti' b'i'n tu'n;
51ex kb'el q'o'n nim tcastiw majen lu tu'n tpatrón, ex atzun kxel q'o'n kyxol qe xmletz'; atzun ktzajel oq'el ex atzun kqitx'itx'il t-xe kye' xjal.
Who We AreWhat We EelieveWhat We Do
2025 by iamachristian.org,Inc All rights reserved.
