1Nman, ti'ja in chin txokone: jurat ttzaj naja, chin tb'intza ok nkub'sane twitza.
2Ikwit tz'e'la nna'j Diose ik tza'n storak in kub' patit twitza, ex ok kyjaw nyek'une qe nq'ab'e twitz kya'j tu'n nna'ne Dios, ikwit tz'e'la ik tza'n jun oyaj in xi q'o'n teya te qale.
3Nman, q'onka jun xq'uqil te ntzi'ye tu'ntzun mi'n tetz jun yol mya b'a'n tuj ntzi'ye.
4Mi'n taq'a amb'il tu'n nximane ti'j mya b'a'n, mi tu'n nb'inchanteye mya b'a'n junx kyuk'il qe b'inchal mya b'a'n, ex tu'n mi'n ntene tuj nin wa'n in b'ant kyu'n.
5Qa ma kub' tq'o'n xjal tz'aqlxix ncastiwoye jun xtalb'il ok tb'incha' weye, ex mer ik tza'n perjum te weye qa ma chin ok tmayo'n. Mlay tz'el wik'une jlu; tu'n kylaj qeju yajb'il lu kukx ok chin na'le Dios.
6Qe nejenel kye qe xjal mya b'a'n che elex xo'n ttxa'n xaq, ex k'elel kynik' ti'j axix tok nyole.
7Kb'ajel sputj kyb'aqil tuj kynajb'il kyimni, ik tza'n in b'aj ch'okit tx'otx'.
8Nman Dios, o'kx ti'ja q'uql nk'u'je. Ti'ja nno'k nklon wib'e; mi'n chin kyaj tkolina.
9Chin tkloma tuj k'ob'il ma kub' kyq'o'n wi'je; chin tkloma tuj k'ob'il kyu'n qe xjal b'inchal mya b'a'n.
10E kykub' tz'aq qe xjal mya b'a'n tuj kyex kyk'ob'il, atzun weye tu'n nklete.
Who We AreWhat We EelieveWhat We Do
2025 by iamachristian.org,Inc All rights reserved.
