1Tzyet tyolin Eliú juntl maj ex tma:
2¿Maj b'a'n tuj twitza Job, tu'nju in tma'na qa minti' tila twitz Dios?
3Porke o txi tma'na te Dios kyja': ¿Ti tajb'en weye tu'nju minti' ma nb'inchaye il? Chitzuna.
4Aqine chin xel tzaq'wente teya ex kye qe tamiwoya.
5Ke'yinxa twitz kya'j ex ke'yinxa, baqa niqa' tjax muj tib'aja.
6Qa ma b'inchana il, minti' jaku b'aj ti'j Dios tu'n; maske nimxix il ma b'ant tu'na, minti' jun mya b'a'n jaku tb'inchaya ti'j.
7Ex qa b'a'n in tb'incha'na, minti' jun in xi tq'o'na te tu'n jlu, minti' jun b'a'n in tb'incha'na te.
8Aju tila in tb'incha'n mya b'a'n ti'j jun xjal ik tza'nx aya, ex aju tb'inchb'ena b'a'n in tb'incha'n b'a'n ti'j jun xjal ik tza'nx aya.
9Tu'n ta'w yajb'il in che sch'in qe xjal, ex in che jyon ti'j alkye jun tu'n tklonte kye tuj kyq'ab' qeju at nimxix kyipun;
10pero minti' in che jyon ti'j Dios aju b'inchante kye, aju in tzaj q'onte tzalajb'il ok ttzaj xob'ajil,
11aju in tzaj q'onte mas nim qnab'l twitz kye txkup ex qe chyu'j in che lipan twitz kya'j.
12In che sch'in, ex minti' in che tzaj tzaq'we'n tu'n Dios, porke mya b'a'n qe ex in jaw kyniman kyib'.
13Ate Dios aju at tipumal tu'n tb'ant tkyaqil tu'n minti' in tzaj tb'i'n kyyol qeju mya ax tok che yolin.
14Maske in tma'na qa minti' in tila twitz Dios, ex ayona ti'j, porke in tke'yin Dios aju in b'aj ti'ja.
15In tma'na qa minti' in tzaj tq'oj Dios ex mlay tzaj tq'o'n castiw ex minti'xix nno'k tq'o'n kwent ti'j il.
16Kyja'tzun aya Job in tma'na qe yol minti' kytxolil, nimxix in yolina ex minti' ch'in tojtzqib'la.
Who We AreWhat We EelieveWhat We Do
2025 by iamachristian.org,Inc All rights reserved.
