1Nimanxwit tb'i Qman.
Che b'itzane jun b'itz ak'aj te Qman; kynimsa'n jawe kyxol qe xjal nimal Dios ok tok kychmon kyib'.
2Che tzalajxe aqeye aj Israel najl qeye tuj tnam Sión, porke ate Dios b'inchal kyeye ex kyreye.
3Kynimsa'n jawe tb'i in che b'ixane, kyb'itzanxe qe b'itz te tuk'il tq'ajq'ajel twi chnab' arpa ex tampor.
4Porke in tzalaj Qman ti'j ju tnam etzan tu'n; in tzaj tq'o'n kamb'ab'l kye xjal mans, ex atzun jlu nimb'il kye.
5Che tzalajxe aqeye nimal Dios tu'nju ma che kamb'ane, ex che b'itzane tuk'il tzalajb'il ok in che ojlane twi kywatb'ile.
6Kynimsa'n jawe tb'i Dios tu'n tq'ajq'ajel kywi'ye, ex tuk'ix jun spad te kab'e pak' ttzi' tuj kyq'ab'e,
7tu'ntzun t-xelin kyu'ne kyi'j qe nasyon mya okslal qe ti'j Dios, ex tu'n tkub' kyq'o'ne kycastiw qe tnam,
8tu'n tb'aj kyk'alo'ne tu'n caden k'uxb'il qe rey ex qe xjal ma' kyoklen,
9tu'ntzun tjapun kyi'j aju sentens tz'ib'amaj. A jlu jun nimb'il kye kykyaqil qe nimal Dios.
Nimanxwit tb'i Qman.
Who We AreWhat We EelieveWhat We Do
2025 by iamachristian.org,Inc All rights reserved.
