1Chi Qman aju Tajaw Tkyaqil: Nlaq'ex ttzaj tq'ijlalil castiw in k'ant ik tza'n q'aq' tuj jorni ex atzun che okex q'ot kykyaqil qeju in jaw kyniman kyib' ex qe b'inchal mya b'a'n, ex che b'ajel tz'e'y tu'n ik tza'n ttxa triw, ex mi ch'in kytx'aqan kyjel ten.
2Atzun kyeye aqeye in che niman weye tzul jun kolol kyeye tz'aqlxix, ik tten ik tza'n tqan q'ij in che b'anix xjal tu'n. Che jawil t'ikpaje tu'n tzalajb'il ik tza'n qe tal wakẍ in che etz tuj kype'n.
3Qe xjal b'inchal mya b'a'n che b'ajel kywab'ane tjaq' kyqane ik tza'n tquqil tx'otx' tuj q'ij ok tb'ant tkyaqil jlu wu'ne, chi Qman aju Tajaw Tkyaqil.
4Kyna'ntze aju ley xi nq'o'ne te nmajene Moisés twi witz Horeb. Xi nq'o'ne qe ley ex qe mandamayent kye kykyaqil aj Israel.
5Kyb'intze: Kxel nsama'ne nsanjele Elías kyuk'ile na'nxtoq tul kanun tq'ijlalil tu'n tkub' nq'o'ne kycastiw xjal, aju q'ij lu ma'xix t-xilen ex xob'ajilxix.
6Ex tu'n Elías kb'antel kyten mamb'aj kyuk'il kyk'wa'l ex qe k'wa'lb'aj kb'antel kyten kyuk'il kyman. Qatzun minti' ma txi kyniman, ktzajel nsama'ne mya b'a'n kyib'aj ex kb'ajel nxitune kytanmi, chi Qman.
Who We AreWhat We EelieveWhat We Do
2025 by iamachristian.org,Inc All rights reserved.
