1Nman, chin tkloma kywitz qe xjal mya b'a'n; kolina wi'je kywitz qe xjal jawni kywitz tu'n kyq'ojin,
2ex kywitz qeju o'kx in che ximan ti'j tu'n kyb'inchante mya b'a'n ex tkyaqil q'ij in tzaj q'oj kyu'n.
3Puro tz'u'p twi' kyaq' ik tza'n taq' jun lob'aj; ik tten kyyol ik tza'n tvenen q'anti'.
4Nman, kolina wi'je tuj kyq'ab' qe xjal mya b'a'n, kolina wi'je kywitz qe xjal jawni kywitz tu'n kyq'ojin ex kywitz qeju in che ximan ti'j tu'n nkub' tz'aqe.
5Aqeju in jaw kyniman kyib' ma kub' kyq'o'n jun k'ob'il wi'je; ma kub' kylik'un qe xyub' ex qe saqb'aq tuj b'e te k'ob'il weye.
6O txi nma'ne teya kyja' Nman Dios: Aya Ndiose, nchiye. Nman, b'intza nqanb'etze ok nqanine onb'il teya.
7Nman Dios, aya kolol weye ma'xix tipumal, aya in kolin ti'j nwi'ye tuj q'oj.
8Nman, mi'n txi tq'o'na kye qe xjal mya b'a'n aju in pon kyk'u'j ti'j; mi'n taq'a amb'il tu'n tjapun aju in kub' kyximan, tu'ntzun mi'n tjaw kyniman kyib'.
9Qeju txolin kyten wi'jele e tkub' tz'aq kyib'ajx aju mya b'a'n in tzaj kyqanin tib'aj juntl.
10E tkub' tz'aq xq'a'l in k'ant tu'n q'aq' kyib'aj; e kyxi xo'n tuj jul jalo ponin t-xe' jatum mlay che jatztl.
11Mi'nwt kukx tten twitz tx'otx' aju xjal si'mil yol; b'ajwit yajla'n tu'n mya b'a'n aju xjal jawni twitz tu'n tq'ojin, ex najxwit tu'n.
12B'a'n wu'ne in xi tb'incha'n Qman kyi'j qe meb'a ex in kolin kyi'j qe xjal atx taj kye.
13Qe xjal tz'aqlxix kjawil kynimsa'n tb'iya; qe xjal in che b'et tuj tumel che najal twitza.
Who We AreWhat We EelieveWhat We Do
2025 by iamachristian.org,Inc All rights reserved.
