1 Crónicas 3 - Mam Huehuetenango New Ortography

Qe tky'ajal David 2 Samuel 3.2-5; 5.13-16; 1 Crónicas 14.3-7

1Qe tky'ajal David e itz'j tuj tnam Hebrón, atzun qe jlu: Aju nej k'wa'lb'aj Amnón tb'i, tal ju xu'j Ahinoam aju aj Jezreel; aju tkab'in Daniel tb'i, tal ju xu'j Abigail aju aj Carmel;

2aju toxin Absalón tb'i, tal ju xu'j Maaca aju tme'jel Talmai aju rey te Gesur; aju tkyajin Adonías tb'i, tal ju xu'j Haguit;

3aju tjwe'yin Sefatías tb'i, tal ju xu'j Abital, ex aju tqaqin Itream tb'i, tal ju xu'j Egla, aju juntl t-xu'jil David.

4Aqeju qaq tky'ajal David lu, atzun e ul itz'j tuj tnam Hebrón jatum o kawin wuq ab'q'i tuk' qaq xjaw. Ex o kawintl 33 ab'q'i tuj Jerusalén,

5jatum e itz'j kyajetl tky'ajal, ex atzun qe jlu: Simea, Sobab, Natán ex Salomón; kykyaqil qe jlu tal ju xu'j Betsabé aju tme'jel Amiel.

6Ex o tzaj b'elajtl tky'ajal David, ex atzun qe jlu: Ibhar, Elisama, Elifelet,

7Noga, Nefeg, Jafía,

8Elisama, Eliada, ex Elifelet.

9Kykyaqil qe jlu tky'ajal David qe, ex minti' e ok tajlal aqeju tky'ajal e tzaj kyi'j txqantl t-xu'jil. Ate Tamar kyanb' qe jlu.

Qe tiyjil Salomón

10Qe tiyjil Salomón, atzun qe jlu: Ate Roboam tman Abías, atzunte Abías tman Asa, atzunte Asa tman Josafat,

11atzunte Josafat tman Joram, atzunte Joram tman Ocozías, atzunte Ocozías tman Joás,

12atzunte Joás tman Amasías, atzunte Amasías tman Azarías, atzunte Azarías tman Jotam,

13atzunte Jotam tman Acaz, atzunte Acaz tman Ezequías, atzunte Ezequías tman Manasés,

14atzunte Manasés tman Amón, ex atzunte Amón tman Josías.

15Qe tky'ajal Josías atzun qe jlu: Aju nej k'wa'lb'aj Johanán tb'i, aju tkab'in Joacim tb'i, aju toxin Sedequías tb'i, ex aju tkyajin Salum tb'i.

16Qe tky'ajal Joacim atzun qe jlu: Jeconías ex Sedequías.

17Qe tky'ajal Jeconías aju xi q'i'n pres tuj Babilonia, atzun qe jlu: Aju nej tky'ajal Salatiel tb'i,

18kyuk'ix Malquiram, Pedaías, Senazar, Jecamías, Hosama ex Nedabías.

19Qe tky'ajal Pedaías, atzun qe jlu: Zorobabel ex Simei. Qe tky'ajal Zorobabel, atzun qe jlu: Mesulam ex Hananías, ex jun kyanb', Selomit tb'i,

20ex at jwe'tl tky'ajal, ex atzun qe jlu: Hasuba, Ohel, Berequías, Hasadías ex Jusab-hesed.

21Qe tky'ajal Hananías, atzun qe jlu: Pelatías ex Jesaías. Ate Jesaías tman Refaías, atzunte Refaías tman Arnán, atzunte Arnán tman Abdías, atzunte Abdías tman Secanías.

22Aju tky'ajal Secanías, atzun Semaías, atzun qe tky'ajal Semaías, atzun qe jlu: Hatús, Igal, Barías, Nearías ex Safat; qaq tu'n tkyaqilx.

23Qe tky'ajal Nearías, ox kyb'et ex atzun qe jlu: Elioenai, Ezequías ex Azricam.

24Qe tky'ajal Elioenai wuq kyb'et ex atzun qe jlu: Hodavías, Eliasib, Pelaías, Acub, Johanán, Dalaías ex Anani.