1Noqwit xb'aj tlaqina kya'j ex xku'tza tu'n kyjaw lu'lun qe witz twitza,
2ik tza'n in b'aj tz'e'y txqan ch'i'x tu'n q'aq' ex qa ik tza'n in tzaj loqlon a', jakutzun tz'el kynik' aj q'oj ti'ja, ti'j tipumala ex jaku che tzaj lu'lun qe nasyon twitza.
3Tej tb'inchanteya tb'inchb'ena xob'ajilxix, aju minti'toq ximan qu'ne tu'n ttzaj tq'o'na, ex tej tku'tza, e jaw lu'lun qe witz twitza.
4B'ajx qb'iye ex b'ajx qile qa at juntl dios jaku b'ant tkyaqil jlu tu'n, ex tu'n tb'inchante t-xtalb'il kye qeju q'uql kyk'u'j ti'j.
5In k'met xjal tu'na, aju in tzalaj tu'n tb'inchante ju b'a'n ex nnu'l ti'j tk'u'j tu'n tb'inchante aju tajb'ila.
Ma tzaj tq'oja qi'je tu'n tlaj ma qo b'inchane il; ax tuj qile ma qo tene ma b'et-xi q'ij. ¿Okpetzun qo kletele?
6Qkyaqile ik qtene ik tza'n jun xjal mya saq tuj tanmi, tkyaqilju qb'inchb'ene b'a'n mer ik tza'n jun ttx'aqan xb'alun tz'il ti'j; qkyaqile ma qo kub' tz'aqe ik tza'n t-xaq tze' in tzaj tz'aq ok ttzqij, ex aju qb'inchb'ene mya b'a'n in xi q'inte qeye ik tza'n tu'n kyq'iq'.
7Mi a'l jun in kub'san twitza ex mi a'l jun nno'k tilil tu'n tu'n tok qe' tk'u'j ti'ja; kyja'tzun ma kub' tewan tib'a qwitze ex ma qo kyaj tkolina tu'n tlaj qb'inchb'ene mya b'a'n.
8Maske ikju, ex aya Qmane; aqo'ye ik tza'n xkab' tx'otx' ex atzun teya b'inchal qeye ik tza'n jun xjal b'inchal xar, porke qkyaqile ma qo b'ante tu'na.
9Qman, mi'n tzaj nimxix tq'oja qi'je ex mi'n tzaj tna'na qb'inchb'ene mya b'a'n. Qo tke'yintza, porke qkyaqile etzan qo'ye tu'na.
10Qe tnam xjan teya, ma che ok te jun lugar tzqij tx'otx'; ma tz'ok Jerusalén te jun tnam minti' xjal tuj, ma naj tnam Sión.
11Aju lugar xjan ex ma' toklen te qeye, jatum jaw nimsa'n tb'iya kyu'n qe qxe'chele, ma b'aj naj tu'n q'aq'. Tkyaqilju in qo tzalaje ti'j ma b'aj xitj.
12Ex ti'j tkyaqil jlu, Qman, ¿kukxpetzun k'ik'elex ti'j tu'na? ¿Maj mi'ntzun q'ajta ti'j? ¿Kukxpetzun qo tele tuj b'is ma'xix tu'na?
Who We AreWhat We EelieveWhat We Do
2025 by iamachristian.org,Inc All rights reserved.
