Salmos 99 - Mam Huehuetenango New Ortography

Ate Qman ju rey ma'xix toklen

1Ate Qman in kawin, tkub'sa'n tq'uqb'il kyib'aj qe querubín. In che jaw lu'lun qe nasyon tuk'ix enter tx'otx'.

2Ma'xix toklen Qman tuj tnam Sión; ma'xix toklen kyib'aj kykyaqil tnam.

3Nimanxwit tb'i, ma'xix toklen ex xob'ajilxix;

Ate Dios xjante.

4Aya jun rey ma'xix tipumal in tzalaja tu'n tb'ant aju tz'aqlxix; tu'na kub' tq'o'na jun ley tuj tumelxix, o tb'inchaya aju tz'aqlxix ex aju tjiqumal ti'j kyi'j aj Israel.

5Kynimsa'n jawe Qman aju Qdios, ex che ẍmeje'kuye twitz tq'uqb'il.

Ate Dios xjante.

6Ate Moisés tuk'ix Aarón at kyoklen ik tza'nx qe pal; atzunte Samuel at kyxol qeju in jaw kynimsa'n tb'i Qman. Tej t-xi kyqanin onb'il te Qman, e tzaj tzaq'we'n tu'n.

7O yolin Dios kyuk'il max tuj jun muj otoq kub' ten kyib'aj, ex o che japun qe tmandamyent kyu'n tuk'ix ju ley xi tq'o'n kye.

8Aya Qman Dios e je'x ttzaq'we'na qe. Kub' tnajsa'na kyil, ax ikx kub' tq'o'na kycastiw ti'j kyb'inchb'en mya b'a'n.

9Kynimsan jawe Qman Dios, che ẍmeje'kuye twitz twi witz xjan aju etzan tu'n.

Porke ate Qman Dios xjante.