1Ch'ixtoq kykanun tuj Jerusalén, e pon tuj tal tnam Betfagé t-xe witz Olivos tb'i, xi t-sama'n Jesús kab'e t-xnaq'tzb'en
2ex xi tma'n kye:
—Kyxi'ye tuj tal tnam tokx chixin; atzun knetel jun ttxu bur kyu'ne k'alo'n tuk'ix jun tal bur; kypaju'mile ex kyintze tzalu.
3Qa at jun xjal ma tma jun yol kyeye, kymanxe te: K'ajb'el te Qajaw, ex jurat che ajetz tq'o'n, che chikuye, chi Jesús.
4Tkyaqil jlu o b'ant tu'ntzun tjapun aju yol q'ma'maj tu'n t-sanjel Dios, chi kyja':
5Kymanxe kye xjal aj Sión: Lu tzul Kyreye kyuk'ile, mans ex tjax tib'aj jun ttxu bur, tjax tib'aj jun tal bur, tal jun ttxu bur, chi t-sanjel Dios.
6E je'xtzun qe xnaq'tzb'en, ex o kyb'incha ik tza'n tzaj q'ma'n kye tu'n Jesús.
7Ultzun kyi'n ju ttxu bur tuk'ix ju tal bur, jax kyq'o'n kyxb'alun kyib'aj; jaxtzun qe' Jesús tib'aj tal bur.
8Atzun kye tnam xjal kub' kylik'un kyxb'alun tuj b'e; ex junjuntl el kytx'emin tq'ab' tze', kub' kyq'o'n tuj b'e.
9Atzun qe xjal nejni twitz Jesús kyuk'ix qeju lepchix ti'j in che sch'in ex in kyma'n:
—Qq'onx q'olb'eb'l te Tk'wa'l rey David. Ky'iwla'n teju tzul, tu'n Qman ma tzaj sama'n. Nimanxwit tb'i Dios tuj kya'j.
10Tejtzun tokx Jesús tuj tnam Jerusalén, kykyaqil xjal tuj tnam e jaw tilj ex in kyma'n:
—¿Alkyeju xjal lu?
11Atzun kye xjal xi kyma'n:
—Ate jlu Jesús t-sanjel Dios, aju aj Nazaret tuj tx'otx' Galilea.
E etz tlajo'n Jesús qe k'ayil tuj tja Dios Marcos 11.15-19; Lucas 19.45-48; Juan 2.13-2212Okxtzun Jesús tuj tja Dios, e b'je'tz tlajo'n kykyaqil qeju in che k'ayin ex in che loq'on tuj tja Dios; ex jaw tpich'q'u'n kymes qe ch'expul twitz pwaq, tuk'ix kyq'uqb'il qeju in che k'ayin paloma.
13Xi tma'n kye:
—At jun yol in tma'n tuj Tu'jil chi kyja': We nja, ja te nab'l Dios tb'i k'okel, chi tuj Tu'jil; atzun kyeye ma tz'ok kyq'o'ne te kyjul eleq', chi Jesús.
14E ultzun qe moẍ kyuk'ix qe kox tuk'il Jesús tuj tja Dios, ex e b'anix tu'n.
15Atzun kye nejenel kye pal kyuk'ix qe xnaq'tzal ti'j ley, tzaj kyq'oj tej kylonte qe tb'inchb'en Jesús nim tipumal, ex tej kyb'inte in che sch'in qe k'wa'l tuj tja Dios ex in kyma'n: Qq'onx q'olb'eb'l te Tk'wa'l rey David, che chi k'wa'l.
16Ex xi kyma'n nejenel kye pal te Jesús:
—¿Mape tb'iya aju in kyma'n jlu?
—Ma nb'iye, chi Jesús. Yajtzun kyeye, ¿b'ajxpe jaw kysch'i'ne tuj Tu'jil jatum in yolin ti'j jlu? Chi kyja':
Ma tzaj tma'na tu'n tjaw nimsa'n tb'iya kyu'n tal k'wa'l ex kyu'n qeju in che ch'u'n, chi tuj Tu'jil.
17E kyajtzun tq'o'n Jesús qe xjal, etz ti'jtzi tnam Jerusalén, pon tuj tnam Betania ex axtzun kyaj ten te qonik'an.
B'i'x tzqij tqan higo tu'n tyol Jesús, tu'nju minti' twitz Marcos 11.12-14,20-2618Te juntl q'ij te prim, kyja'toq t-xi' Jesús tuj tnam Jerusalén, tzaj el tk'u'j.
19Ex o til Jesús jun tqan higo tkub' ttzi b'e, xi'tzun t-xe tqan higo, ex minti' knet jun twitz higo tu'n, o'kx t-xaq at. Xitzun tma'n Jesús te tqan higo:
—Te jumajx mlay tz'ok jun twitza, chi Jesús.
B'i'xtzun tzqij tqan higo.
20Tej kylonte qe t-xnaq'tzb'en jlu, e lab'in ti'j.
—¿Tza'ntzun tten b'i'x ma tzqij tqan higo? Che chi.
21Xi ttzaq'we'n Jesús:
—Ax tok kxel nma'ne kyeye, qa at kyokslab'le ex qa minti' ma jawje' kyk'u'je, mya noq o'kx jaku b'ant tu'n ttzqij tqan higo kyu'ne, ax ikx jaku txi kyma'ne teju witz lu: Tik'a ex xo'nx tib'a tuj mar, qa che chiye, ex kb'anteltzun aju kxel kyma'ne.
22Ex tkyaqilju kxel kyqanine tuj na'j Dios, ex qa ma qe' kyk'u'je ti'j Dios, ok kyk'ma'ye.
Aju toklen Jesús Marcos 11.27-33; Lucas 20.1-823Tej tokx Jesús tuj tja Dios, e pon laq'e' qe nejenel kye pal kyuk'ix qe kytijil xjal judiy; matoq in tq'o'n Jesús xnaq'tzb'il xi kyqanin te:
—¿Ti toklena tu'n tb'inchanteya tkyaqil jlu? ¿Alkye ma tzaj q'onte toklena? Che chi.
24Xi ttzaq'we'n Jesús:
—Ikx weye at jun yol kxel nqanine kyeye; qa ma tzaj kytzaq'we'ne, ax ikx weye kxel nma'ne kyeye ti woklene tu'n nb'inchanteye tkyaqil jlu.
25¿Alkye tzaj q'onte toklen Juan tu'n kyb'yan xjal tu'n? ¿Tu'npe Dios ex qa kyu'n xjal? Chi Jesús kye.
Atzun kye e ok ten yolil ti'j kyxolx in kyma'n:
—Qa ma txi qma'n, tu'n Dios tzaj q'o'n toklen, ktzajeltzun tma'n qe: ¿Tiqu'ntzun minti' xi kyoksla'ne? Chilo.
26Ex qa ma txi qma'n, kyu'n xjal tzaj q'o'n toklen, jakulo tzaj qxob'il kywitz xjal porke kykyaqil in che yolin ti'j qa ate Juan t-sanjel Dios.
27Xitzun kyma'n te Jesús:
—Minti' b'i'n qu'ne.
Ikx te Jesús xi tma'n kye:
—Ikx weye mlay txi nma'ne kyeye ti woklene tu'n nb'inchanteye tkyaqil jlu.
Aju techal kyi'j kab'e k'wa'lb'aj28Ex ¿chi tok kyu'ne? At jun xjal attoq kab'e tk'wa'l; pon xjal tuk'il ju tzikb'aj ex xi tma'n te: Nk'wa'l, txi'ya aq'nal ja'lo tu'n tkub' twitz uva.
29Tzaj ttzaq'we'n ju tk'wa'l: Mlay chinxe. Ex te yajxitl ajtz ti'j tanmi ex xi'tzun.
30Ax ikx pontl ju mamb'aj tuk'il ju tz'inb'aj, ax ju yol xi tma'n te; atzunte tz'inb'aj tzaj ttzaq'we'n: Chin xe'le, Tat. Ex minti' xi'.
31¿Alkyetzun kyxol kab'e k'wa'lb'aj lu tb'incha aju tajb'il tman? Chi Jesús kye.
Xi kytzaq'we'n xjal:
—Aju tzikb'aj.
Xi tma'ntl Jesús kye:
—Ax tok kxel nma'ne kyeye: Qe peyil pwaq ex qe xu'j aj pajil nej che okex kywitze tuj tkawb'il Dios.
32Porke ul Juan kyuk'ile, aju e b'yan xjal tu'n, in tma'n tu'n kyb'inchanteye aju tz'aqlxix, ex minti' xi kyoksla'ne; atzun kye peyil pwaq ex qe xu'j aj pajil xi kyoksla'n; atzun kyeye o kyile jlu, ex minti' ajtz ti'j kyanmiye ex minti' xi kyoksla'ne.
Aju techal kyi'j qe aq'nal mya b'a'n Marcos 12.1-12; Lucas 20.9-1933Kyb'intze juntl techal: At jun patrón ku'x tawa'n tqan uva, ok tq'o'n pe'n ti'j, ku'x tlaku'n jun jul jatum tu'n tel ptz'et ta'l uva, jaw tb'incha'n jun ja te kwentb'il tqan uva, kyajtzun tq'o'n tx'otx' te majen kye junjun aq'nal ex xi'tzun tuj jun lugar najchaq.
34Tejtzun tul tq'ijlalil tu'n tkub' twitz awal, e tzajtzun t-sama'n patrón qe tmajen kyuk'il majenal tx'otx' tu'n tk'monte ch'in twitz awal te ta'l ttx'otx'.
35Atzun kye majenal tx'otx' e tzyet qe majen kyu'n; jun b'aj kyk'ixb'isa'n, juntl kub' kyb'yo'n, ex juntl ok kyxo'n tu'n ab'j.
36E tzajtzun t-sama'ntl patrón txqantl tmajen, mas ela' kyb'et kywitz qeju e tzaj t-sama'n nej; atzun kye majenal tx'otx' ikx kyb'incha kyi'j ik tza'n kyb'incha nej.
37Te mankb'ilxitzun tzaj t-sama'n patrón tk'wa'l: Qapelo at ch'in tchi nk'wa'le tuj kywitz, chi patrón.
38Atzun kye majenal tx'otx', tej kylonte kyja' ttzaj tk'wa'l patrón, kyma kyxolx: Atzunte etzal jlu; chux qeye qb'yonku ex qtzyum aju tetzb'il, tu'ntzun tkyaj ten tetzb'il te qe, che chi.
39Tzyettzun kyu'n, ex kyi'n ti'jxi tqan awal, ex kub' kyb'yo'n.
40Oktzun tul tajaw tqan awal, ¿chi tok kyu'ne, ti ok tb'incha' kyi'j qe majenal tx'otx' lu? Chi Jesús kye.
41Xitzun kyma'n:
—Ok che b'el tb'yo'n qe xjal lu mya b'a'n qe, mlay tzaj q'aq'an tk'u'j kyi'j; atzun tqan uva kxel tq'o'n te majen kye txqantl aq'nal, tu'ntzun t-xi kyq'o'n ch'in twitz awal te ok tul tq'ij, che chi xjal.
42Xitzun tma'n Jesús kye:
—¿B'ajxpe jaw kysch'i'ne ti in tma'n tuj Tu'jil? Chi kyja':
Aju ab'j el kyik'un qe b'inchal ja ma tz'ok te skyini te simyent. Tu'n Qman ma b'ant jlu, ex ma' t-xilen jlu tuj qwitz, chi tuj Tu'jil.
43Kyja'tzun kxel nma'ne kyeye, k'elel q'i'n kyoklene tu'n mi'n kyokxe tuj tkawb'il Dios, ex kxel tq'o'n Dios kyoklen juntl k'loj xjal, tu'n t-xi kyq'o'n ch'in twitz awal teju tajaw awal.
44Alkye jun xjal ma jaw tolj ex ma kub' tz'aq tib'aj ab'j lu, b'i'x kb'ajel toqj; ex alkye jun xjal qa ma kub' tz'aq ab'j lu tib'aj, b'i'x kb'ajel b'uchj xjal tu'n, chi Jesús kye.
45Tejtzun kyb'inte qe nejenel kye pal kyuk'ix qe fariseo aqeju techal tma Jesús, el kynik' ti'j qa kyi'j in yolintoq Jesús.
46O kyajb'e tu'n ttzyet Jesús kyu'n, ex tzaj kyxob'il kywitz xjal, porke in kyma'n xjal qa t-sanjel Dios te Jesús.
Who We AreWhat We EelieveWhat We Do
2025 by iamachristian.org,Inc All rights reserved.
