Isaías 6 - Mam Huehuetenango New Ortography

Aju txokb'il te Isaías

1Tuj ab'q'i tej tkyim rey Uzías o wile Qman q'uql tuj tq'uqb'il ma' tjaw ex ma' toklen, nojni tuj tja tu'n ttxa'n t-xb'alun.

2Lu qe Serafín in che qoptz'aj wen kykub'sa'n tib'ajxi Qman. Teyle junjun at qaq t-xik'. Kab'e kyxik' in ajb'en te maqb'il kywitz, kab'etl in ajb'en te txayb'il kyqan ex atzun kab'etl in ajb'en tu'n kylipan.

3Ex che chi in kyma'n jun te juntl:

Xjante, Xjante, Xjante Qman aju Tajaw Tkyaqil; nojni tkyaqil twitz tx'otx' tu'n tajwalil.

4Tej tq'ajt tq'ajq'ajel kywi', b'i'x e tzaj lu'lun tlamel tja Dios ex b'i'x b'aj noj tuj tu'n sib'.

5Atzun weye nmaye kyja': Ay b'ek'b'il nwitze, chin kymele. Ma wile tu'n nwitze aju Rey, aju Qman Tajaw Tkyaqil; atzun weye xjal qine ex mi jun yol tuj tumel nne'tz tuj ntzi'ye, ex najl qine tuj jun tnam jatum minti' jun xjal in yolin tuj tumel, nchiye.

6Kyxol qe Serafín lu tzaj lipan jun ex ul wuk'ile, tzyu'n jun xq'a'l tu'n tu'n tenás, otoq jaw ti'n tib'aj altar.

7Ok tt'ano'n ti'j ntzi'ye ex tma weye kyja': B'intza, aju xq'a'l lu ma tz'ok t'anet ti'j ttzi'ya, ma tz'el q'it tb'inchb'ena mya b'a'n ex ma kub' najset tila, chi Serafín.

8Nb'iye tq'ajq'ajel twi Qman ex tma: ¿Alkye kxel nsama'ne? ¿Alkye k'okel te qsanjele?

Atzun weye xi ntzaq'we'ne: Lu qine lu, chin t-samanxa.

9Tzajtzun tma'n weye: Txi'ya ex q'manxa kye xjal kyja': Maske ma tzaj kyq'o'n kywi'ye ti'j, mlay tz'el kynik'e ti'j; ex maske ma kyile, mlayx tz'el kynik'e ti'j.

10Najsa'n b'aja kynab'l qe xjal lu tu'n mi'n tokx tuj kywi', maqsima tuj kyẍkyin tu'n mi'n kyb'inte, ex maqsima kywitz tu'n mi'n tkyil ex tu'n mi'n tel kynik' ti'j, tu'ntzun mi'n tajtz ti'j kyanmi ex tu'n mi'n kyb'anix wu'ne, chi Qman weye.

11Xitzun nqanine te: ¿Nik'puntzun ktel jlu, Nman?

Tzajtzun ttzaq'we'n: Max okxi kyb'aj naj qe tnam ex mi jun xjal tu'n tkyaj ten kyuj, okxi kykyaj ten qe ja minti' kyajwil, okxi kyb'aj naj qe kojb'il ex mi jun xjal kyjel ten kyuj,

12ex okxi kyxi wi'ne qe xjal tuj jun tnam najchaq, tu'ntzun mi jun xjal tu'n tkyaj ten tuj ttanmi.

13Maske nik'xi xjal che kyaj ten tuj tnam, ax ikx che najel, ik tza'n in jaw tx'emit jun tze' k'ol ex qa jun tze' sik'l ex o'kx ttronkil in kyaj ten, pero ti'j tronk lu ktzajel ch'iy t-xul xjanxix.

Blog
About Us
Message
Site Map

Who We AreWhat We EelieveWhat We Do

Terms of UsePrivacy Notice

2025 by iamachristian.org,Inc All rights reserved.

Home
Gospel
Question
Blog
Help