1Nman, aya kolol weye, in chin kub'sane twitza mi'n noq chin tzaj tb'i'na, chin ttzaq'wentza. Ex qa mi'n ma chin tzaj ttzaq'we'na, ajun qine chin okel tajlal kyuk'il qeju in che kyim.
2B'intza tq'ajq'ajel nwi'ye ok t-xi nqanine onb'il teya, ok kyjaw nq'o'ne nq'ab'e twitz kya'j tumlal tjaya xjan.
3Mi'n kub' tq'o'na ncastiwoye junx kyuk'il qe xjal mya b'a'n ex qe xjal b'inchal mya b'a'n, ex noq tu'n kytzi' in kyma'n qa at kyk'ujlalil, atzun tuj kyanmi nojni tu'n mya b'a'n.
4Q'onkuya kycastiw ik tza'nx ju kyb'inchb'en mya b'a'n, ex q'onxa chojb'il kye ax ik tza'nx ju mya b'a'n o kyb'incha.
5Tu'nju minti' in xi kyniman tkyaqilju o tb'incha Qman, kyja'tzun che najel tu'n, ex mlay che jaw we'tl juntl maj.
6Nimanxwit te Qman tu'nju ma che tzaj tb'i'n qe nkub'sb'ile.
7Ate Qman kolol weye ma'xix tipumal, o'kx ti'j q'uql nk'u'je, ate oninte weye. In tzalaj wanmiye; chin b'itzale ex kxel nq'o'ne chjonte te Qman.
8Ate Qman q'olte tipumal tnam etzan tu'n, ex ate onil ex kolol ti'j rey jaw t-sk'o'n.
9Kloma aju tnam etzan tu'na Nman, ex ky'iwlama qeju o che jaw t-sk'o'na. Tz'okxa ik tza'n jun pastor, kwentin oka qe ex q'inxa qe tuj tq'ab'a te jumajx.
Who We AreWhat We EelieveWhat We Do
2025 by iamachristian.org,Inc All rights reserved.
