1Ax ikx o wile qe xjal in che b'aj yajla'n tzalu twitz tx'otx', ex o wile qe xjal lu in che oq' tu'nju in che yajlanjtz ex mi a'l jun b'a'n tq'uqb'ante kyk'u'j; in che b'aj k'ixb'isa'n kyu'n qe yajlal kye ex mi a'l jun b'a'n tq'uqb'ante kyk'u'j.
2Kyja'tzun o nmaye: Mas at tzalajb'il kye xjal o che kyim kywitz qeju itz'x qe;
3ex mas b'a'n ate' qeju na'nx kyitz'j kywitz qeju o che kyim ex kywitz qeju itz'x, porke aqeju na'nx kyitz'j na'nx tkyil aju mya b'a'n in b'inchanjtz tzalu twitz tx'otx'.
4Ax ikx o wile at junjun xjal in che aq'nan wen ex b'a'n nne'la kyaq'unb'en tu'n mi'n kyok te ch'in kywitz qe kyuk'il. Ax ikx noqx gan jlu, ik tten jlu ik tza'n jun xjal taj tu'n ttzaj ttzyu'n kyq'iq' tu'n tq'ab'.
5Aju xjal minti' tnab'l, noq tz'ulin qe tq'ab' ex tu'nx tib' in naj.
6Mas b'a'n qa noq ch'in at qe ex in qo anq'in tuj txub'txaj, twitzju tu'n tten nim at qe ex minti' in qo anq'in tuj txub'txaj; ik tten jlu ik tza'n jun xjal taj tzaj ttzyu'n kyq'iq' tu'n tq'ab'.
7Ax ikx o wile juntl kyb'inchb'en xjal noqx gan tzalu twitz tx'otx':
8O wile jun xinaq tjunal at, minti' jun tamiw, mi jun tk'wa'l ex mi jun terman; minti'xix ch'in in kub' ten ojlal ex minti' in b'aj tgan tu'n tchmonte tq'inumab'l, ex minti' in ximan ti'j jlu: ¿Al etzun k'ajb'el ju q'inumab'l in chin aq'nane ti'j ex minti' ch'in in chin ojlane? Chiwt. Ax ikx noqx gan te jlu ex jun iqtz alxix te te.
Aju mojb'ab'l tib' in tq'o'n ipumalj9Mas b'a'n kab'e xjal twitzju noq junx xjal, ex kyja'tzun b'a'n k'elel aju aq'untl in b'ant kyu'n.
10Ex qa ma kub' tz'aq jun, jaku jaw wab'an tu'n juntl. Ex b'ek'b'il twitz ju xjal in kub' tz'aq ex tjunalxte at, ex mi a'l jun b'a'n tjaw wab'ante te.
11Ax ikx qa ma che kub' tan kab'e xjal junx, in b'aj kymeq'san kyib' kykab'il; qatzun tjunalxte jun, ¿tza'n tten tu'n tmeq't?
12Jun xjal tjunalxte at, jaku kub' ti'j, qatzun at kab'e kyb'et, jaku kyklonte kyib'. Ax ikx jun noq' te ox twitz, mlay kub' tzaqj naj.
Aju tnab'l xjal mya ti'j tab'q'iyil ta'.13Mas b'a'n jun ku'xun meb'a ex at tnab'l, twitz jun rey tij xjal ex minti' tnab'l, porke ate rey mlay tz'okx jun consej tuj twi'.
14-15Maske tuj pres tz'etz jun ku'xun tu'n tkawin, ex maske meb'a te tej titz'j, tuj ju tkawb'il ma wile qe xjal ate' twitz tx'otx' in che ok ten kyuwsalte tej tok te rey.
16Ex maske mlay b'ant kyajlanjtz qe tnam aqeju in kawin kyib'aj, pero qe xjal mlay che tzalaj ti'j, ikx qe kyiyjil qe xjal lu, aqeju che ul itz'j te tib'ajxi, mlay che tzalaj ti'j. Ax ikx noqx gan jlu ex ik tten jlu ik tza'n jun xjal taj tu'n ttzaj ttzyu'n kyq'iq' tu'n tq'ab'.
Who We AreWhat We EelieveWhat We Do
2025 by iamachristian.org,Inc All rights reserved.
