1Nman, kjawil nnimsa'ne tu'nju ma chin klete tu'na, ex tu'nju minti' taq'a amb'il tu'n kyxmayin qe aj q'oj wi'je.
2Nman Dios, xi nqanine onb'il teya ex o chin b'anixe tu'na;
3Nman, ma chin klete tu'na tuj kamik; ma tzul nnab'le tu'na, ma chin klete tu'na tu'n mi'n nkyime.
4Aqeye in che niman te Qman, che b'itzane b'itz te, kynimsan jawe tb'i xjan.
5Porke noq ch'in tuj in ten tq'oj, atzunju t-xtalb'il kukx in ten tuj tkyaqil qanq'ib'l. Qa ma qo oq' te qonik'an, atzun ok qsqix qo tzalajel.
6Tuj nwitze qa segur atine, ex kub' nximane kyja': Minti' jun jaku chin kub' tz'aqe tu'n.
7Nman, tu'nju t-xtalb'ila ma chin kub' twab'ana tuj jun lugar segurxix, ex te tib'ajxi ma tz'el tewan twitza wi'je. Ma naj nnab'le tu'n xob'ajil.
8Ti'ja in jaw tq'ajq'ajel nwi'ye Nman, ex teya in chin kub'sane.
9¿Ti ktkamb'a'ya ti'j qa ma chin kyime ex qa ma chinx q'i'ne tuj muqb'il? Ok tok nximlale te tx'otx' mlay jaw nnimsa'na, ex mlay chin yoline ti'j ju ttena tz'aqlxix.
10Nman, chin tb'intza ex q'aq'antz tk'u'ja wi'je; chin tonintza Nman.
11Ma tz'el ti'na b'is wi'je ex ma tzaj tq'o'na tzalajb'il te t-xel; aju nxb'alune tok te techal b'is, ma tz'el ti'na, ex ma tz'ok tq'o'na jun nxb'alune te tzalajb'il.
12Kyja'tzun Nman Dios, mlay chin kub' tene tu'n mi nq'ajte; che xel nb'itzane qe b'itz te nimb'il teya ex kukx kxel nq'o'ne chjonte teya.
Who We AreWhat We EelieveWhat We Do
2025 by iamachristian.org,Inc All rights reserved.
