1Ax ikx tz'elx tnik'a ti'j jlu: Tuj mankb'il tq'ijlalil tzul nim yajb'il.
2Ok che ul xjal o'kx tok kyk'u'j kyi'jx, ex o'kx tok kyk'u'j ti'j pwaq, ex in jaw kyniman kyib', ex jawni qe, ex yasul qe, ex mib'an che niman tyol kyman, ex minti' in kyq'o'n chjonte ti'j ju in kyk'mo'n, mib'an che niman te Dios,
3ex minti' kyk'ujlalil, ex minti' in chewix kyk'u'j, ex si'mil yol qe, ex minti' in kyjak'un kyib', ex minti' ch'in kylastmi kyi'j xjal, ex nne'l kyik'un aju b'a'n,
4ax in che ok meltz'aj kyi'j kyuk'il, tx'u'j kywi', ex in jaw kyniman kyib', mas tok kyk'u'j ti'j achb'il ex mya ti'j Dios.
5Mer nimal Dios che ke'yin, pero minti' kyaj ti'j tipumal tu'n kyklet.
Pa'nmil tib'a kyi'j jlu.
6Kyxol jlu at junjun cheb'a nno'kx kylamon kyib' tuj kyja xjal, jurat in kub' kysb'u'n qe xu'j minti' kynab'l ex aj ilxix qe. Qe xu'j lu mer ik tza'n jawo'n qe tu'nju in pon kyk'u'j ti'j nimku,
7nim kygan tu'n kyxnaq'tzan, ex minti' nne'l kynik' ti'j ju yol axix tok.
8Ikxtzun kymod xjal lu ik tza'n Janes tuk'ix Jambres, e q'ojin ti'j Moisés. Ikx qe jlu in che q'ojin ti'j ju yol axix tok, mya tuj tumel ta' kynab'l, ex mlay che k'met tuj okslab'l.
9Ex mlay che'x laq'e' mastl, ex kykyaqil xjal k'elel kynik' kyi'j qa minti' kynab'l, ik tza'n ojtxi el kynik' xjal ti'j Janes ex Jambres qa minti' kynab'l.
Xi tkyuwsa'n Pablo tnab'l Timoteo alkye tu'n tb'inchante10Atzun teya ma tz'ok lpe'ya ti'j nxnaq'tzb'ile, ex ti'j nb'inchb'ene, ex ti'j nnab'le, ex ti'j wokslab'le, ex ti'j npasense, ex ti'j nk'ujlalile, ex nnik'x tu'na ik tza'n weye.
11Ex o tena wuk'ile tuj yajb'il weye ex tuj tkyaqilju ik'x wu'ne tuj tnam Antioquía ex tuj Iconio ex tuj Listra; nim yajb'il ik'x wu'ne, ex tuj tkyaqil ma chin klete tu'n Qajaw.
12Ex kykyaqil qeju kyajb'il kukx tu'n kynimante Jesucrist, ok che yajlanjtzel.
13Atzun qe xjal mya b'a'n ex qe sb'ul, kyja' kyxi laq'e' mastl tuj mya b'a'n, in che sb'un ax ikx kye in che sb'unjtz.
14Atzun teya ax tu'n tkyaj tena tuj ju xnaq'tzb'il ma tk'ama ex ma qe' tk'u'ja ti'j, porke b'a'n tu'na alkye ma xnaq'tzan teya.
15Ex atxix tuj tne'yila el tnik'a ti'j ju Xjan Tu'jil, tu'ntzun jlu ma tzaj q'o'n tnab'la tza'n tten tu'n tkleta tu'n tokslab'la ti'j Jesucrist.
16Tkyaqil aju tz'ib'an tuj Tu'jil, a Dios o q'mante ex at tajb'en te xnaq'tzb'il qe, ex tu'n qmayonjtz tu'n mi'n qb'inchante mya b'a'n, ex tu'n tjiqumanjtz ti'j qnab'l, ex tu'n qxnaq'tzanjtz tu'n qb'et tuj tumelxix,
17tu'ntzun tten tnab'l ju xjal in ajb'en te Dios, ex b'anin tten tu'n tb'inchante tkyaqil aq'untl b'a'n.
Who We AreWhat We EelieveWhat We Do
2025 by iamachristian.org,Inc All rights reserved.
